മികവിന്റെ വഴിയിൽ 100 സ്കൂളുകൾ; പശ്ചിമേഷ്യയിലെ 15ൽ 10ഉം യു.എ.ഇയിൽ നിന്ന്
ഗുണനിലവാരവും കുട്ടികളുടെ സമഗ്ര പുരോഗതിയും മുൻനിർത്തിയാണ് സ്ഥാപനങ്ങളെ തെരഞ്ഞെടുത്തത്
Update: 2022-09-09 17:58 GMT
അബുദാബി: ലോകത്തെ ഏറ്റവുംമികച്ച 100 സ്വകാര്യ സ്കൂളുകളിൽ 15 എണ്ണം പശ്ചിമേഷ്യയിൽ നിന്ന്. യു.എ.ഇയിൽ നിന്നുള്ള 10 വിദ്യാലയങ്ങൾ പട്ടികയിൽ ഇടംപിടിച്ചു. ഗുണനിലവാരവും കുട്ടികളുടെ സമഗ്ര പുരോഗതിയും മുൻനിർത്തിയാണ് സ്ഥാപനങ്ങളെ തെരഞ്ഞെടുത്തത്.
2022ലെസ്പിയേഴ്സ് സ്കൂൾസൂചികയിലാണ് യു.എ.ഇയിലെപത്ത് വിദ്യാലയങ്ങൾ നേട്ടം കൊയ്തത്. യു.എ.ഇയിലെ സ്വകാര്യ സ്കൂളുകളുടെ ആഗോള നിലവാരം കൂടിയാണ് പട്ടിക വ്യക്തമാക്കുന്നത്. പശ്ചിമേഷ്യയിൽ നിന്നുള്ള 15 വിദ്യാലയങ്ങളിൽ പത്തും യു.എ.ഇയിൽ നിന്നാണെന്നത് രാജ്യത്തിന് മികച്ച നേട്ടം കൂടിയാണ്. യു.എ.ഇയിൽ നിന്ന് തെരഞ്ഞെടുത്ത വിദ്യാഭ്യാസ സ്ഥാപനങ്ങൾ ഇവയാണ്:
ബ്രൈറ്റൺ കോളേജ് അബൂദബി, ബ്രിട്ടീഷ് സ്കൂൾ അൽ ഖുബൈറാത്ത്, ക്രാൻലീ അബൂദബി, ദുബൈ കോളജ് ,ജുമൈറ കോളേജ്, ജുമൈറ ഇംഗ്ലീഷ് സ്പീക്കിങ് സ്കൂൾ, നോർഡ് ആംഗ്ലിയ ഇന്റർനാഷണൽ സ്കൂൾ ദുബൈ, NLCS ദുബൈ, റെപ്റ്റൺ സ്കൂൾ ദുബൈ, സ്വിസ് സയന്റിഫിക് ഇന്റർനാഷണൽ സ്കൂൾ, ദുബൈ
കുട്ടികൾക്ക് മികച്ച വിദ്യാഭ്യാസം ഉറപ്പാക്കാൻ സാധിക്കുന്ന രാജ്യം എന്ന നിലക്കാണ് പ്രവാസി കുടുംബങ്ങൾ യു.എഇയെ പ്രധാനമായും നോക്കി കാണുന്നത്. സ്കൂ:ൾ തലത്തിലും ഉന്നത വിദ്യാഭ്യാസ മേഖലയിലും ഗുണമേൻമ ഉറപ്പു വരുത്താൻ കൃത്യമായ പരിശോധനാ സംവിധാനങ്ങളും യു.എ.ഇയിലുണ്ട്.