ബഹിരാകാശത്ത് നടന്ന ആദ്യ അറബ് വംശജൻ സുൽത്താൻ അൽ നിയാദിക്ക് അഭിനന്ദന പ്രവാഹം

ദുബൈ: അറബ്​ ലോകത്തിന്‍റെ അഭിമാനമുയർത്തി ബഹിരാകാശത്ത്​ ആദ്യമായി നടന്ന സുൽത്താൻ അൽ നിയാദിക്ക്​ അഭിനന്ദനപ്രവാഹം. യു.എ.ഇ ​പ്രസിഡൻന്റ്​ ശൈഖ്​ മുഹമ്മദ്​ ബിൻ സായിദ്​ ആൽ നെഹ്​യാൻ, വൈസ്​ പ്രസിഡന്റും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം, ദുബൈ കിരീടാവകാശിയും എക്​സിക്യൂട്ടീവ്​ കൗൺസിൽ ചെയർമാനുമായ ശൈഖ്​ ഹംദാൻ ബിൻ മുഹമ്മദ്​ ബിൻ റാശിദ്​ ആൽ മക്​തൂം തുടങ്ങിയവർ നിയാദിയെ അഭിനന്ദിച്ചു.

സുൽത്താൻ അൽ നിയാദിയുടെ ആദ്യ ബഹിരാകാശ നടത്തത്തിലൂടെ ബഹിരാകാശ പര്യവേക്ഷണത്തിനും ശാസ്ത്ര പുരോഗതിക്കും യു.എ.ഇ അർത്ഥവത്തായ സംഭാവനകൾ നൽകുന്നത് തുടരുകയാണെന്ന്​​ ശൈഖ്​ മുഹമ്മദ്​ ബിൻ സായിദ്​ പറഞ്ഞു. വെള്ളിയാഴ്ചയാണ്​ സുൽത്താൻ നിയാദി ഏഴ്​ മണിക്കൂറും ഒരു മിനിറ്റും നീണ്ടുനിന്ന ബഹിരാകാശ നടത്തം പൂർത്തിയാക്കിയത്. 

Watch Video Report