ആഗോള എണ്ണവിലയിൽ ഇടിവ്​; ബാരലിന്​ 80 ഡോളറിന്​ ചുവടെ

ആഗോളവിപണിയിൽ എണ്ണവില വീണ്ടും ഇടിഞ്ഞു. വിലയിൽ നാലു ശതമാനം കുറവാണുണ്ടായത്. ചൈനയുടെ വളർച്ചാതോത്​ കുറഞ്ഞതാണ്​ എണ്ണവിപണിക്ക്​ തിരിച്ചടിയത്. ബാരലിന്​ 80 ഡോളറിന്​ ചുവടേക്കാണ്​ എണ്ണവില ഇടിഞ്ഞത്. ​അസംസ്​കൃത എണ്ണവിലയിൽ സമീപകാലത്തെ വലിയ ഇടിവ്​ കൂടിയാണിത്​.

ചൈനയുടെ വളർച്ചാതോത്​ കുറഞ്ഞതിനൊപ്പം ലോകം നേരിടുന്ന സാമ്പത്തിക മാന്ദ്യവും വിലയിടിവിന്​ കാരണമായിട്ടുണ്ട്​. മാന്ദ്യവും പണപ്പെരുപ്പവും കൂടാനുള്ള സാധ്യതയിലേക്കാണ്​ എണ്ണവിപണിയും വിരൽ ചൂണ്ടുന്നത്​. ആവശ്യകത കുറഞ്ഞ സാഹചര്യത്തിൽ ഉൽപാദനം വീണ്ടും വെട്ടിക്കുറക്കാൻ എണ്ണ ഉൽപാദക രാജ്യങ്ങൾ തയാറാകു​മോ  എന്ന ചോദ്യവും ഉയരുന്നുണ്ട്​. എന്നാൽ വിപണിയിലെ മാറ്റം സസൂക്ഷ്​മം നിരീക്ഷിച്ചു വരികയാണെന്നും വലിയ തോതിലുള്ള വിലത്തകർച്ചക്ക്​ സാധ്യതയില്ലെന്നുമാണ്​ ഒപെക്​ വൃത്തങ്ങൾ വ്യക്​തമാക്കുന്നത്​.

നടപ്പുവർഷം ചൈനക്ക്​ നാലര ശതമാനത്തോളം വളർച്ച നേരിടാൻ സാധിക്കും എന്നായിരുന്നു ഐ.എം.എഫ്​ വിലയിരുത്തൽ. എന്നാൽ നിലവിലെ സാഹചര്യത്തിൽ വളർച്ചാ തോത്​ ഗണ്യമായി കുറയുമെന്നാണ്​ നിഗമനം. എണ്ണയിതര മേഖലയിലേക്ക്​ കൂടി സമ്പദ്​ഘടന ശക്​തിപ്പെടുന്നതിനാൽ ഗൾഫ്​ രാജ്യങ്ങൾക്ക്​ എണ്ണവിലയിടിവ്​ കാര്യമായ പ്രയാസം സൃഷ്​ടിക്കാൻ ഇടയില്ല.