യു.എ.ഇയിൽ പെട്രോൾ വിലയിൽ നേരിയ വർധനവ്

ദുബൈ: യു.എ.ഇയിൽ പെട്രോൾ വിലയിൽ നേരിയ വർധനവ്. എന്നാൽ ഡീസൽ വില കുറയും. രാജ്യത്ത് പെട്രോൾ ലിറ്ററിന് ഒരു ഫിൽസ് കൂട്ടിയപ്പോൾ, ഡീസൽ ലിറ്ററിന് 12 ഫിൽസ് കുറച്ചു. നാളെ മുതലാണ് വർധനവ് നിലവിൽ വരുന്നത്.

പുതിയ നിരക്കനുസരിച്ച് സൂപ്പർ പെട്രോളിന് 2 ദിർഹം 70 ഫിൽസാണ് ഈടാക്കുക. ആഗസ്റ്റിൽ 2 ദിർഹം 69 ദിർഹമായിരുന്നു നിരക്ക്. സ്പെഷ്യൽ പെട്രോളിന്റെ വില 2 ദിർഹം 57 ഫിൽസിൽ നിന്ന് 2 ദിർഹം 58 ഫിൽസായി. ഇപ്ലസ് വിഭാഗം പെട്രോളിന് 2 ദിർഹം 51 ഫിൽസാണ് പുതിയ വില. ആഗസ്റ്റിൽ 2 ദിർഹം 50 ഫിൽസായിരുന്നു നിരക്ക്.

2 ദിർഹം 78 ഫിൽസുണ്ടായിരുന്ന ഡീസൽ വില 12 ഫിൽസ് കുറഞ്ഞ് നാളെ മുതൽ 2 ദിർഹം 66 ഫിൽസാകും. ആഗോള വിപണിയിലെ ക്രൂഡ് ഓയിൽ വില അടിസ്ഥാനമാക്കി യു.എ.ഇയിലെ ഇന്ധന വില നിർണയ സമിതിയാണ് ഓരോ മാസവും ഇന്ധന വില പുതുക്കി നിശ്ചയിക്കുന്നത്. പുതുക്കിയ ഇന്ധന വിലയുടെ അടിസ്ഥാനത്തിൽ ഓരോ എമിറേറ്റിലെ ടാക്സി നിരക്കുകളിലും മാറ്റം വരും.