ഗസ്സയിലെ സ്‌കൂളുകൾക്ക് നേരെ ഇസ്രായേൽ നടത്തിയ ആക്രമണത്തെ അപലപിച്ച് യു.എ.ഇ

ദുബൈ: ഗസ്സയിലെ സ്കൂളുകൾക്ക് ​നേരെ ഇസ്രയേൽ നടത്തിയ ആക്രമണത്തെ അപലപിച്ച്​ യു.എ.ഇ. യു.എൻ റിലീഫ്​ആൻഡ് ​വർക്​ ഏജൻസിയുടെ കീഴിലെ അൽ ഫഖൂറ സ്കൂൾ, താൽ അൽസാതർ സ്കൂൾ എന്നിവക്ക്​ നേരെയാണ്​ കഴിഞ്ഞ ദിവസം ഇസ്രയേൽ ആക്രമണം നടന്നത്​. അന്താരാഷ്​ട്ര ചട്ടങ്ങൾക്ക്​ വിരുദ്ധമായ ഇത്തരം നടപടികൾ ആപൽക്കരമാണെന്ന്​ യു.എ.ഇ വ്യക്​തമാക്കി

സ്കൂളുകളൾക്കുംആശുപത്രികൾക്കും നേരെയുള്ള മനുഷ്യത്വ രഹിതമായ ആക്രമണങ്ങൾ അപലപനീയമാണെന്ന്​ പ്രസ്താവനയിൽ യു.എ.ഇവ്യക്​തമാക്കി. കൂട്ടായ്മകളെയും സിവിലിയൻ സംവിധാനങ്ങളെയും ലക്ഷ്യംവെക്കുന്നത്​ ഒരിക്കലും അംഗീകരിക്കാനാവില്ല. സിവിലിയൻമാരുടെ ജീവൻ സംരക്ഷിക്കണം. ജീവകാരുണ്യ കൂട്ടായ്മകൾക്കും സിവിലിയൻ സൗകര്യങ്ങൾക്കും പൂർണ സംരക്ഷണം ഉറപ്പാക്കണം. വൈദ്യസഹായവുംമറ്റും തടസം കൂടാതെ എത്തിക്കാനും അടിയന്തര മുൻഗണന നൽകണമെന്നും പ്രസ്​താവനയിൽ വിദേശകാര്യമന്ത്രാലയം ചൂണ്ടിക്കാട്ടി.

അന്താരാഷ്ട്ര നിയമങ്ങൾക്കനുസൃതമായി സിവിലിയൻമാരും സിവിലിയൻ സ്ഥാപനങ്ങളും സംരക്ഷിക്കപ്പെടണം, സംഘർഷ സമയത്ത് ഇവയെ ലക്ഷ്യമിടുന്നില്ലെന്ന് ഉറപ്പാക്കേണ്ട ബാധ്യത ഇസ്രായേലിനുണ്ട്. അടിയന്തര വെടിനിർത്തൽ വൈകരുതെന്നും യു.എ.ഇ ആവശ്യപ്പെട്ടു. സംഘർഷം കൂടുതൽ വ്യാപകമാകുന്നത് ​ഒഴിവാക്കാനുള്ള നീക്കങ്ങൾ ശക്തമാക്കാൻ അന്താരാഷ്ട്ര സമൂഹം തയാറാകണമെന്നും യു.എ.ഇ നിർദേശിച്ചു.