മുടികൊഴിച്ചിൽ എന്നത് ഒരിക്കലും മാറ്റാൻ കഴിയാത്ത ഒരു പ്രശ്നമായാണ് പലരും കരുതാറുള്ളത്, പ്രത്യേകിച്ച് പാരമ്പര്യമായി കഷണ്ടിയുള്ളവരാണെങ്കിൽ. ഒരിക്കൽ മുടി കൊഴിഞ്ഞുതുടങ്ങിയാൽ ആ മുടിവേരുകൾ പൂർണമായും നശിച്ചുപോയെന്നാണ് ഭൂരിഭാഗം ആളുകളുടെയും ധാരണ. എന്നാൽ ഈ ധാരണ തികച്ചും തെറ്റാണെന്ന് വാദിക്കുകയാണ് അമേരിക്കയിലെ ഫാർമസി ഡോക്ടറായ ഡോ. ശയൻ സെൻ. അദ്ദേഹത്തിന്റെ അഭിപ്രായത്തിൽ, മിക്കവാറും കേസുകളിൽ ഈ മുടിവേരുകൾ പൂർണമായും നശിച്ചുപോകുന്നില്ല, മറിച്ച് അവ 'ഉറങ്ങിക്കിടക്കുക' മാത്രമാണ് ചെയ്യുന്നത്!
ആൻഡ്രോജെനെറ്റിക് അലോപേഷ്യ ഉൾപ്പെടെയുള്ള മുടികൊഴിച്ചിലുകളെ കേവലം ജനിതക പ്രശ്നമായി കാണുന്നതിന് പകരം, തലയോട്ടിയിലുണ്ടാകുന്ന ഉപാപചയ തകരാറുകളായി കാണാനാണ് അദ്ദേഹം നിർദേശിക്കുന്നത്. രക്തയോട്ടം കുറയുക, തലയോട്ടിയിലെ നീർക്കെട്ട്, പോഷകങ്ങളുടെ കുറവ്, കോശങ്ങളിലെ ഊർജമില്ലായ്മ എന്നിവയാണ് മുടിവേരുകളെ ദീർഘകാലത്തേക്ക് ഉറങ്ങാൻ പ്രേരിപ്പിക്കുന്നത്. ഈ പ്രശ്നങ്ങൾ കൃത്യമായി പരിഹരിച്ചാൽ ഉറങ്ങിക്കിടക്കുന്ന മുടിവേരുകളെ വീണ്ടും ഉണർത്താൻ സാധിക്കും.
മുടികൊഴിച്ചിലിന്റെ യഥാർഥ കാരണങ്ങൾ
രക്തചംക്രമണം കുറയുന്നത്: തലയോട്ടിയിലെ ഓക്സിജന്റെ അളവ് കുറയ്ക്കുകയും മുടിവേരുകൾക്ക് പോഷകങ്ങൾ ലഭിക്കാതിരിക്കുകയും ചെയ്യും.
മൈറ്റോകോൺഡ്രിയയുടെ തകരാർ: മുടി വളരാൻ കോശങ്ങൾക്ക് ആവശ്യമായ ഊർജം കുറയുന്നു.
തലയോട്ടിയിലെ നീർക്കെട്ട്: ഇത് മുടിയുടെ വളർച്ചാഘട്ടത്തെ പൂർണമായും തടയുന്നു.
മുടി വളരാനും ഉറങ്ങിക്കിടക്കുന്ന വേരുകൾ ഉണർത്താനുമുള്ള 3 ഘട്ടങ്ങൾ
ഘട്ടം 1: രക്തയോട്ടം വർധിപ്പിക്കുക, നീർക്കെട്ട് കുറയ്ക്കുക
ഘട്ടം 2: ആവശ്യമായ പോഷകങ്ങൾ ഉറപ്പാക്കുക
ഘട്ടം 3: ഉറങ്ങിക്കിടക്കുന്ന മുടിവേരുകളെ ഉണർത്തുക
ശ്രദ്ധിക്കേണ്ട മറ്റ് കാര്യങ്ങൾ
പ്രകൃതിദത്ത എണ്ണകൾ (റോസ്മേരി ഓയിൽ തുടങ്ങിയവ) തലയോട്ടിക്ക് നല്ലതാണെങ്കിലും അവ മാത്രം മുടികൊഴിച്ചിലിന് പൂർണ പരിഹാരമല്ല. സൾഫേറ്റ് അടങ്ങിയ കടുത്ത ഷാംപൂകൾ, ഇറുകിയ ഹെയർ സ്റ്റൈലുകൾ, കടുത്ത മാനസിക സമ്മർദം എന്നിവ പൂർണമായും ഒഴിവാക്കുക. മുടിവളർച്ച എന്നത് സാവധാനം നടക്കുന്ന പ്രക്രിയയായതിനാൽ കൃത്യമായ ഫലം ലഭിക്കാൻ മൂന്ന് മുതൽ ആറ് മാസം വരെ എടുത്തേക്കാം; അതിനാൽ ക്ഷമയോടെയുള്ള പരിചരണമാണ് ആവശ്യം.
(ഈ ലേഖനം പൊതുവായ വിവരങ്ങൾ നൽകാൻ മാത്രമുള്ളതാണ്. പുതിയ ഹെയർ കെയർ ദിനചര്യകളോ സപ്ലിമെന്റുകളോ ഉപയോഗിക്കുന്നതിന് മുമ്പ് തീർച്ചയായും ഒരു ഡെർമറ്റോളജിസ്റ്റിനെ സമീപിക്കുക)