കർണാടകയിൽ വ്യാപാരിയെ വെട്ടിക്കൊന്ന കേസിൽ മൂന്ന് പ്രതികൾ അറസ്റ്റിൽ
ശനിയാഴ്ച വൈകീട്ടാണ് വ്യാപാരിയായ അബ്ദുൾ ജലീലിനെ മുഖംമൂടി ധരിച്ചെത്തിയ സംഘം കടയിൽ കയറി വെട്ടിക്കൊന്നത്
Update: 2022-12-27 01:54 GMT
ബംഗളൂരു: കർണാടകയിൽ സൂറത്ത്കലിൽ വ്യാപാരിയെ വെട്ടിക്കൊന്ന കേസിൽ മൂന്ന് പ്രതികൾ അറസ്റ്റിൽ. കൊലപാതകത്തിൽ കൂടുതൽ പ്രതികൾ ഉൾപ്പെട്ടിട്ടുണ്ടെന്ന് പൊലീസ് പറഞ്ഞു. ശനിയാഴ്ച വൈകീട്ടാണ് വ്യാപാരിയായ അബ്ദുൾ ജലീലിനെ മുഖംമൂടി ധരിച്ചെത്തിയ സംഘം കടയിൽ കയറി വെട്ടിക്കൊന്നത്.
കൃഷ്ണപുര ഒമ്പതാം ബ്ലോക്കിൽ ശനിയാഴ്ച വൈകീട്ടാണ് അബ്ദുൾ ജലീലിനെ മുഖംമൂടി ധരിച്ച അക്രമി സംഘം കടയിൽ കയറി വെട്ടിക്കൊന്നത്. കൃഷ്ണപൂർ നൈത്തങ്ങാടി സ്വദേശി ഷൈലേഷ് പൂജാരി, ഉഡുപ്പി ഹെജമാഡി സ്വദേശി സവിൻ കാഞ്ചൻ, ഉഡുപ്പി കൃഷ്ണപൂർ മൂന്നാം ബ്ലോക്കിൽ താമസിക്കുന്ന പവൻ എന്നിവരെയാണ് പൊലീസ് അറസ്റ്റ് ചെയ്തത്. ഈ കേസിൽ ഉൾപ്പെട്ട മുഴുവൻ പ്രതികളും ഉടൻ പിടിയിലാകുമെന്ന് സിറ്റി പൊലീസ് കമ്മീഷണർ ശശികുമാർ പറഞ്ഞു.
പിടിയിലായവർ 2021ൽ നടന്ന കൊലപാതകത്തിലടക്കം നിരവധി കേസുകളിൽ പ്രതികളാണ്.