കശ്മീരിൽ ആയുധങ്ങളുമായി രണ്ട് ഭീകരന്മാർ പിടിയിൽ

ഡല്‍ഹി: കശ്മീരിൽ ആയുധങ്ങളുമായി രണ്ട് ഭീകരന്മാർ പിടിയിൽ. 15 തോക്കുകൾ പൊലീസ് പിടിച്ചെടുത്തു. തിങ്കളാഴ്ച ശ്രീനഗറിൽ ലഷ്‌കർ-ഇ-തൊയ്ബ സംഘടനയുടെ രണ്ട് ഹൈബ്രിഡ് ഭീകരരെ അറസ്റ്റ് ചെയ്തതായും അവരുടെ കൈവശം നിന്ന് വൻ ആയുധങ്ങളും വെടിക്കോപ്പുകളും കണ്ടെടുത്തതായും പൊലീസ് അവകാശപ്പെട്ടു. 15 പിസ്റ്റളുകൾ, 30 മാഗസിനുകൾ, 300 റൗണ്ടുകൾ, 1 സൈലൻസർ എന്നിവയുൾപ്പെടെയുള്ള ആയുധങ്ങളാണ് കണ്ടെടുത്തത്.

സംഭവത്തില്‍ കേസ് രജിസ്റ്റര്‍ ചെയ്തിട്ടുണ്ട്. അന്വേഷണം പുരോഗമിക്കുകയാണ്. ''ഇത് പൊലീസിന്‍റെ വലിയ വിജയമാണ്," ഐജിപി കശ്മീരിനെ ഉദ്ധരിച്ച് പൊലീസ് വക്താവ് പറഞ്ഞു. ശ്രീനഗറിലെ ചനപോര പ്രദേശത്തുനിന്നാണ് അറസ്റ്റ് നടന്നതെന്നാണ് റിപ്പോർട്ട്.