കാൺപൂർ ഐ.ഐ.ടി പ്രൊഫസർ സ്റ്റേജിൽ കുഴഞ്ഞുവീണു മരിച്ചു
പൂർവവിദ്യാർഥി സംഗമ പരിപാടിയിൽ പ്രസംഗിച്ചുകൊണ്ടിരിക്കെയാണ് ഹൃദയാഘാതമുണ്ടായത്
Update: 2023-12-24 09:28 GMT
കാൺപൂർ: കാൺപൂർ ഐ.ഐ.ടിയിലെ പ്രൊഫസർ സ്റ്റേജിൽ കുഴഞ്ഞുവീണ് മരിച്ചു. പൂർവവിദ്യാർഥി സംഗമ പരിപാടിയിൽ പ്രസംഗിച്ചുകൊണ്ടിരിക്കെയാണ് ഹൃദയാഘാതം മൂലം കുഴഞ്ഞുവീണത്. മെക്കാനിക്കൽ എഞ്ചിനീയറിങ് മേധാവി സമീർ ഖണ്ഡേക്കർ (53) ആണ് മരിച്ചത്. കഴിഞ്ഞ വെള്ളിയാഴ്ചയാണ് പൂർവവിദ്യാർഥി സംഗമം നടന്നത്. സമ്മേളനത്തെ അഭിസംബോധന ചെയ്യുന്നതിനിടെ വേദിയിൽ കുഴഞ്ഞു വീഴുകയായിരുന്നു. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ഖണ്ഡേക്കർ പ്രഭാഷണം നടത്തുമ്പോൾ കടുത്ത നെഞ്ചുവേദന അനുഭവപ്പെടുകയും നന്നായി വിയർക്കുകയും ചെയ്തതായി മുൻ ഐഐടി കാൺപൂർ ഡയറക്ടർ അഭയ് കരന്ദിക്കർ വാര്ത്താ ഏജന്സിയായ പി.ടി.ഐയോട് പറഞ്ഞു.