'മോദിയെ പുകഴ്ത്തിയ ഗുലാംനബി ആസാദിന് എന്തുസംഭവിച്ചെന്ന് എല്ലാവർക്കുമറിയാം'; ഗെഹലോട്ടിനെതിരെ സച്ചിൻ പൈലറ്റ്

ന്യൂഡൽഹി: പ്രധാനമന്ത്രി നരേന്ദ്ര മോദി പുകഴ്ത്തിയ രാജസ്ഥാൻ മുഖ്യമന്ത്രി അശോക് ഗെലോട്ടിനെതിരെ രൂക്ഷവിമർശനവുമായി കോൺഗ്രസ് നേതാവ് സച്ചിൻ പൈലറ്റ്. കോണ്‍ഗ്രസ് വിട്ട് ഡെമോക്രാറ്റിക് ആസാദ് പാര്‍ട്ടി രൂപീകരിച്ച ഗുലാം നബി ആസാദിനെ ഓര്‍മ്മിപ്പിച്ചായിരുന്നു   സച്ചിന്‍ പൈലറ്റിന്‍റെ പ്രതികരണം.

'ഇന്നലെ പ്രധാനമന്ത്രി മുഖ്യമന്ത്രിയെ പുകഴ്ത്തിയ രസകരമാണ്. അത് നിസാരമായി കാണാനാവില്ല. പ്രധാനമന്ത്രി ഗുലാം നബി ആസാദിനെ പാർലമെന്റിൽ പുകഴ്ത്തിയത് എല്ലാവർക്കും അറിയാം. പിന്നീട് എന്താണ് സംഭവിച്ചതെന്ന് നമ്മൾ കണ്ടതാണെന്നും മുൻ ഉപമുഖ്യമന്ത്രികൂടിയായ സച്ചിൻ പൈലറ്റ് മാധ്യമങ്ങളോട് പറഞ്ഞു.ജയ്പൂരിലെ വസതിയിൽവെച്ചാണ് പൈലറ്റ് മാധ്യമങ്ങളോട് സംസാരിച്ചത്.

സെപ്തംബറിൽ കോൺഗ്രസ് ലെജിസ്ലേച്ചർ പാർട്ടി യോഗം ബഹിഷ്‌കരിച്ച രാജസ്ഥാൻ എംഎൽഎമാർക്കെതിരെ നടപടിയെടുക്കണമെന്നും പൈലറ്റ് ആവശ്യപ്പെട്ടു. അശോക് ഗെലോട്ടിന്റെ വിശ്വസ്തരായ 80-ലധികം എം എൽ എമാർ ഗെലോട്ട് പാർട്ടി സ്ഥാനത്തേക്ക് മത്സരിച്ചാൽ അദ്ദേഹത്തിന് പകരം സച്ചിൻ പൈലറ്റിനെ മുഖ്യമന്ത്രിയാക്കുമെന്ന റിപ്പോർട്ടുകളെ തുടർന്ന് രാജി ഭീഷണി മുഴക്കിയിരുന്നു

പിന്നീട് അശോക് ഗെലോട്ട് സോണിയ ഗാന്ധിയോട് മാപ്പ് പറയുകയും പാർട്ടി അധ്യക്ഷ സ്ഥാനത്തുനിന്ന് പിന്മാറാനുള്ള തീരുമാനം പ്രഖ്യാപിക്കുകയും ചെയ്തു. അന്ന് രാത്രി സോണിയാ ഗാന്ധിയെ കണ്ട സച്ചിൻ പൈലറ്റിന് സംസ്ഥാനം തെരഞ്ഞെടുപ്പിലേക്ക് പോകുന്നതിന് മുമ്പ് കാര്യങ്ങൾ മാറുമെന്ന് പ്രത്യേക ഉറപ്പ് നൽകിയിരുന്നു.

ഇത് അച്ചടക്കമില്ലായ്മയാണെന്ന് എഐസിസി നിരീക്ഷിച്ചിരുന്നു. ഇതിന് മറുപടി നൽകിയ മൂന്ന് നേതാക്കൾക്കും പാർട്ടി നോട്ടീസ് അയച്ചിരുന്നു. എന്നാൽ എല്ലാവർക്കും ഒരേ നിയമങ്ങളുള്ള പഴയതും അച്ചടക്കമുള്ളതുമായ പാർട്ടിയായതിനാൽ അവർക്കെതിരെ ഉടൻ നടപടിയെടുക്കണമെന്നും പൈലറ്റ് കൂട്ടിച്ചേർത്തു. പുതിയ പ്രസിഡന്റ് മല്ലികാർജുൻ ഖാർഗെ നടപടിയെടുക്കുമെന്ന് എനിക്ക് ഉറപ്പുണ്ടെന്നും അദ്ദേഹം പറഞ്ഞു.

ചൊവ്വാഴ്ച രാജസ്ഥാനിലെ ബൻസ്വാരയിലെ മംഗാർ ധാമിൽ നടന്ന പരിപാടിക്കിടെയാണ് പ്രധാനമന്ത്രി നരേന്ദ്രമോദിയും മുഖ്യമന്ത്രി അശോക് ഗെഹലോട്ടും വേദി പങ്കിട്ടത്. ഈ ചടങ്ങിലായിരുന്നു മോദി ഗെഹലോട്ടിനെ പ്രശംസിച്ചത്. 'അശോക് ജിയും ഞാനും മുഖ്യമന്ത്രിമാരായി ഒരുമിച്ച് പ്രവർത്തിച്ചിട്ടുണ്ട്. അവനായിരുന്നു ഞങ്ങളുടെ കൂട്ടത്തിലെ ഏറ്റവും സീനിയർ. ഇപ്പോൾ വേദിയിൽ ഇരിക്കുന്നവരിൽ ഏറ്റവും മുതിർന്ന മുഖ്യമന്ത്രിമാരിൽ ഒരാളാണ് അദ്ദേഹം. എന്നായിരുന്നു മോദി പറഞ്ഞത്.

അതേസമയം, സച്ചിന്റെ വിമർശനത്തോട് പ്രതികരണവുമായി അശോക് ഹെഹലോട്ടും രംഗതതെത്തി.പരസ്യ പ്രതികരണങ്ങൾ ഹൈക്കമാൻഡ് വിലക്കിയതാണെന്നും എല്ലാവരും അച്ചടക്കം പാലിക്കണമെന്നും ഗെഹലോട്ട്പറഞ്ഞു. ഒറ്റക്കെട്ടായി കേന്ദ്രത്തിനെതിരെ പോരാടുകയാണ് എന്നും അശോക് ഗെഹലോട്ട് വ്യക്തമാക്കി.