മലപ്പുറം ഒതായിയിൽ 42 കാരൻ തീപൊള്ളലേറ്റ് മരിച്ച സംഭവത്തിൽ പൊലീസ് അന്വേഷണം പുരോഗമിക്കുന്നു. ഇന്നലെ വൈകീട്ട് 6.30 യോടെയാണ് ഒതായി കിഴക്കേ ചാത്തല്ലൂർ സ്വദേശി സാജിദ് എന്ന ഷാജി മരിച്ചത്. ഷാജിയെ അയൽവാസി കൊലപ്പെടുത്തുകയായിരുന്നുവെന്നാണ് കുടുംബത്തിന്റ ആരോപണം.അയൽവാസിയായ സ്ത്രീയുമായി ഷാജി തർക്കമുണ്ടായിരുന്നെന്നും ശേഷം ഇവർ ഏതോ ഒരു ദ്രാവകം ശരീരത്തിലേക്കൊഴിച്ച് തീകൊളുത്തുകയായിരുന്നെന്നുമാണ് കുടുംബം ആരോപിക്കുന്നത്.
കേസ് കൈകാര്യം ചെയ്യുന്നതിൽ പൊലീസിന് വീഴ്ചപറ്റിയെന്ന് പി.കെ ബഷീർ എം.എൽ.എ ആരോപിച്ചു. നാട്ടുകാരുടെയും കുടുംബത്തിന്റെയും ആരോപണം അന്വേഷിക്കണമെന്നും എം.എൽ.എ ആവശ്യപ്പെട്ടു. എന്നാൽ അന്വേഷണത്തിന് ശേഷം മാത്രമേ കൊലപാതകമാണോ എന്ന് പറയാൻ സാധിക്കൂ എന്ന് പൊലീസ് പറഞ്ഞു. ഷാജിയുടെ ഇൻക്വസ്റ്റ് നടപടികൾക്ക് ശേഷം മൃതദേഹം പോസ്റ്റുമോർട്ടത്തിനായി മാറ്റിയിട്ടുണ്ട്.