വിമാനയാത്രക്കിടെ ദേഹാസ്വാസ്ഥ്യം: 11 മാസം പ്രായമായ കുഞ്ഞ്​ മരിച്ചു

കൊച്ചി: വിമാനയാത്രയ്ക്കിടെ ദേഹാസ്വസ്ഥ്യം അനുഭവപ്പെട്ട 11 മാസം പ്രായമായ കുഞ്ഞ് മരിച്ചു. ദോഹയിൽനിന്നും നെടുമ്പാശ്ശേരി വിമാനത്താവളത്തിൽ എത്തിയ കോഴിക്കോട് സ്വദേശികളായ ദമ്പതികളുടെ മകൻ ഫെസിൻ അഹമ്മദാണ് മരിച്ചത്.

വിമാനത്തിൽ പ്രാഥമിക ചികിത്സ നൽകി അങ്കമാലിയിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ചൊവ്വാഴ്​ച പുലർച്ചയാണ്​ സംഭവം.

മാസം തികയുന്നതിന്​ മുമ്പ്​ ജനിച്ച കുഞ്ഞാണ്​. ഹൃദയസംബന്ധമായ പ്രശ്​നങ്ങളുണ്ടായിരുന്നു. തുടർ ചികിത്സകൾക്ക്​ വേണ്ടിയാണ്​ നാട്ടിലെത്തിയത്​.