രാജ്യദ്രോഹക്കേസില് സംവിധായിക ഐഷ സുല്ത്താന ഹൈക്കോടതിയില് മുന്കൂര് ജാമ്യാപേക്ഷ നല്കി. തനിക്കെതിരായ രാജ്യദ്രോഹക്കേസ് നിലനില്ക്കില്ലെന്ന് ഐഷാ സുല്ത്താനയുടെ പ്രധാന വാദം. തന്റെ പരാമര്ശങ്ങള് തെറ്റായി വ്യാഖ്യാനിച്ച് ആണ് പോലീസ് രാജ്യദ്രോഹക്കുറ്റം ചുമത്തിയിരിക്കുന്നത്. ടിവി ചര്ച്ചയില് നടത്തിയ പരാമര്ശങ്ങള് ബോധപൂര്വ്വമായിരുന്നില്ല. പരാമര്ശങ്ങള് വിവാദമായതിനെത്തുടര്ന്ന് സമൂഹമാധ്യമങ്ങളിലൂടെ മാപ്പ് പറഞ്ഞതായും ഐഷാ സുല്ത്താനയുടെ മുന്കൂര് ജാമ്യാപേക്ഷയില് പറയുന്നു.
കവരത്തിയില് എത്തിയാല് അറസ്റ്റ് ചെയ്യപ്പെടാന് സാധ്യതയുണ്ടെന്നും ഈ സാഹചര്യത്തില് മുന്കൂര് ജാമ്യം നല്കണമെന്നുമാണ് ആവശ്യം. ജാമ്യാപേക്ഷ ഹൈക്കോടതി നാളെ പരിഗണിച്ചേക്കും. ലക്ഷദ്വീപില് കേന്ദ്ര സര്ക്കാര് ജൈവായുധം ഉപയോഗിക്കുന്നുവെന്ന പരാമര്ശങ്ങളുടെ പേരില് ആണ് ഐഷ സുല്ത്താനക്കെതിരെ കവരത്തി പോലീസ് രാജ്യദ്രോഹക്കുറ്റം ചുമത്തി കേസെടുത്തിരിക്കുന്നത്.