കുറ്റ്യാടി: മാധ്യമം ഹെൽത്ത് കെയർ ഫണ്ടിലേക്ക് കുറ്റ്യാടി ഐഡിയൽ പബ്ലിക് സ്കൂൾ വിദ്യാർഥികൾ സ്വരൂപിച്ചു നൽകിയത് 4,36,367 രൂപ. കെജി സെക്ഷനിലെ 12ഉം, സ്കൂൾ വിഭാഗത്തിലെ 27ഉം ക്ലാസുകളിലെ കുട്ടികൾ ചേർന്നാണ് ഇത്രയും തുക നൽകിയത്. കഴിഞ്ഞ വർഷം 1,90,000 രൂപയും നൽകിയിരുന്നു. ഹെഡ് ബോയി മുഹമ്മദ് റിഫാദിൽ നിന്ന് മാധ്യമം റീജിയണൽ മാനേജർ ടി.സി അബ്ദുൽ റഷീദ്, ഹെൽത്ത് കെയർ കോഡിനേറ്റർ എം.എം. റഈസ് എന്നിവർ ചേർന്ന് തുക സ്വീകരിച്ചു. മീഡിയ വൺ ന്യൂ മീഡിയ ഹെഡ് നിഷാദ് റാവുത്തർ മുഖ്യാതിഥിയായിരുന്നു.
പ്രിൻസിപ്പിൽ കെ.എം.സാദിഖ്, ജമാഅത്തെ ഇസ്ലാമി ജില്ല പ്രസിഡന്റ് ഫൈസൽ പൈങ്ങോട്ടായി,സ്കൂൾ മാനേജിങ് കമ്മിറ്റി പ്രസിഡന്റ് കെ.പി.നൂറുദ്ദീൻ,മാനേജർ കെ.ഖാസിം, പി.ടി.എ പ്രസിഡന്റ് പി.പി.റഷീദ് തുടങ്ങിയവർ സംബന്ധിച്ചു.