'ഇത്തവണ തഴയപ്പെട്ടപ്പോള്‍ ഹൃദയം തകര്‍ന്ന വേദന'; മുൻ ഡിസിസി ജനറൽ സെക്രട്ടറി തമ്പാനൂർ സതീഷ് പാർട്ടി വിടുന്നു

തിരുവനന്തപുരം: മുൻ  തിരുവനന്തപുരം ഡി.സി.സി ജനറൽ സെക്രട്ടറി തമ്പാനൂർ സതീഷ് പാർട്ടി വിടുന്നു. കെ.പി.സി.സി സെക്രട്ടറിമാരുടെ ഭാരവാഹി പട്ടിക ഏകപക്ഷീയമെന്ന് ആരോപിച്ചാണ് രാജി. കെ.പി.സി.സി  ഭാരവാഹികളുടെ പുനഃ:സംഘടനയിൽ പലതവണ തഴയപ്പെട്ടെന്നും ഇത്തവണ തഴയപ്പെട്ടപ്പോള്‍ ഹൃദയം തകര്‍ന്ന വേദന എന്നും സതീഷ് ഫേസ്ബുക്കിൽ കുറിച്ചു.

തമ്പാനൂർ സതീഷിന്‍റെ  ഫേസ്ബുക്ക് കുറിപ്പിന്‍റെ പൂര്‍ണരൂപം;

'രാഷ്ട്രീയം ഉപേക്ഷിക്കാൻ ആലോചിക്കുന്നു.നേർ രാഷ്ട്രീയത്തിന് വിലയില്ലാത്ത കാലം.കുറേ കാര്യങ്ങൾ സമൂഹത്തിൽ അറിയിക്കാൻ ആഗ്രഹിക്കുന്നു. കോൺഗ്രസിൽ പല ഘട്ടങ്ങളിലായി കെ.പി.സി.സി ഭാരവാഹികളുടെ പുനഃസംഘടനകൾ നടത്തുകയുണ്ടായി. പലതവണ ഞാൻ തഴപ്പെട്ടു.ഇത്രയും കാലം നിശബ്ദനായി കോൺഗ്രസിൽ പ്രവർത്തിച്ചിട്ടുണ്ട്. ഇത്തവണയും തഴയപ്പെട്ടപ്പോൾ ഹൃദയം തകർന്ന വേദന...'