Writer - അഞ്ജലി ശ്രീജിതാരാജ്
വെബ് ജേണലിസ്റ്റ്, മീഡിയവൺ
സംസ്ഥാനത്ത് ഇന്നും ഒറ്റപെട്ട അതിതീവ്ര മഴയ്ക്ക് സാധ്യത; രണ്ട് ജില്ലകളില് ഓറഞ്ച് അലര്ട്ട്
7 ജില്ലകളില് യെല്ലോ അലര്ട്ട് പ്രഖ്യാപിച്ചു
Update: 2025-08-17 01:05 GMT
തിരുവനന്തപുരം: സംസ്ഥാനത്ത് ഇന്നും ഒറ്റപെട്ട അതിതീവ്ര മഴയ്ക്ക് സാധ്യത. രണ്ട് ജില്ലകളില് ഓറഞ്ച് അലര്ട്ടും 7 ജില്ലകളിയെല്ലോ അലര്ട്ടും പ്രഖ്യാപിച്ചു. കാസര്കോഡ് ,കണ്ണൂര് ജില്ലകളിലാണ് ഓറഞ്ച് അലര്ട്ട്.
വയനാട് ,കോഴിക്കോട്,മലപ്പുറം,പാലക്കാട്,തൃശൂര്,ഇടുക്കി,എറണാകുളം ജില്ലകളില് യെല്ലോ അലര്ട്ടാണ്. വടക്കന് ജില്ലകളില് അതീവ ജാഗ്രത നിര്ദ്ദേശം നല്കിയിട്ടുണ്ട്.
ശക്തമായ മഴയ്ക്കൊപ്പം മണിക്കൂറില് 60 കിലോമീറ്റര് വേഗതയില് കാറ്റ് വീശാനും സാധ്യതയുണ്ട്. മലയോര മേഖലയിലും തീരപ്രദേശത്തും ജാഗ്രത നിര്ദേശം നല്കിയിട്ടുണ്ട്.
നദികളിലും,ഡാമുകളിലും ജലനിരപ്പ് ഉയരുന്നതിനാല് തീരത്ത് താമസിക്കുന്നവരും ജാഗ്രത പുലര്ത്തണം. ഉയര്ന്ന തിരമാലയ്ക്കും കടലാക്രമണത്തിനും സാധ്യതയുള്ളതിനാല് കേരള തീരത്ത് മത്സ്യബന്ധനത്തിന് വിലക്ക് തുടരുന്നു.