പ്രവാസി സംരംഭകര്ക്കായി സൗജന്യ പരിശീലന പരിപാടിയുമായി നോര്ക്ക
പങ്കെടുക്കാന് താല്പര്യമുളളവര് നവംബര് 15നകം രജിസ്റ്റര് ചെയ്യണം
Update: 2022-10-29 13:34 GMT
പ്രവാസി സംരംഭകര്ക്കായി നോര്ക്ക റൂട്ട്സ് സൗജന്യ ഏകദിന പരിശീലന പരിപാടി സംഘടിപ്പിക്കുന്നു. എറണാകുളത്ത് നവംബറില് നടക്കുന്ന പരിശീലന പരിപാടിയില് പങ്കെടുക്കാന് താല്പര്യമുളളവര് നവംബര് 15 നകം രജിസ്റ്റര് ചെയ്യേണ്ടതാണ്.
പ്രവാസി സംരംഭങ്ങള് പ്രോല്സാഹിപ്പിക്കുക എന്ന ലക്ഷ്യത്തോടെ തിരുവനന്തപുരം നോര്ക്ക സെന്ററില് പ്രവര്ത്തിക്കുന്ന നോര്ക്ക ബിസ്സിനസ്സ് ഫെസിലിറ്റേഷന് സെന്ററിന്റ (എന്.ബി.എഫ്.സി) ആഭിമുഖ്യത്തിലാണ് സംരംഭക പരിശീലന പരിപാടി. തൃശ്ശൂര്, എറണാകുളം, ആലപ്പുഴ, കോട്ടയം, ഇടുക്കി ജില്ലകളിലുളളവര്ക്ക് മുന്ഗണന ലഭിക്കും.
സംരംഭങ്ങള് ആരംഭിക്കാന് ഉദ്ദേശിക്കുന്ന പ്രവാസികള്ക്കും വിദേശത്ത് നിന്ന് തിരികെ എത്തിയവര്ക്കുമായാണ് സംരംഭകത്വ പരിശീലനം. നോര്ക്ക റൂട്ട്സ്, വ്യവസായ വകുപ്പ്, മറ്റ് ധനകാര്യസ്ഥാപനങ്ങള്, വകുപ്പുകള് എന്നിവ വഴി നടപ്പിലാക്കുന്ന വിവിധ സംരംഭകസഹായ പദ്ധതികള് , വ്യവസായ സംരംഭത്തിനാവശ്യമായ വിവിധ തരം ലൈസന്സുകള്, ജി.എസ്.ടി എന്നിവ സംബന്ധിച്ച് പരിശീലനവും പൊതു സംശയങ്ങള്ക്കുളള മറുപടിയും പരിശീലനത്തിന്റെ ഭാഗമായി ലഭിക്കും.
കൂടുതല് വിവരങ്ങള്ക്ക് 0471-277-534, 8592958677 എന്ന നമ്പറിലോ nbfc.norka@kerala.gov.in, nbfc.coordinator@gmail.com എന്ന ഇമെയില് വിലാസത്തിലോ ബന്ധപ്പെടേണ്ടതാണ്.