തിരുവനന്തപുരം ആര്യനാട്ടെ കെഎസ്ആർടിസി ബസ് അപകടത്തിൽ ഒരു മരണം. ഗുരുതരമായി പരിക്കേറ്റ് ചികിത്സയിലായിരുന്ന സോമൻ നായരാണ് മരിച്ചത്. അപകടത്തിൽ പരിക്കേറ്റ് അഞ്ച് കുട്ടികൾ ചികിത്സയിലാണ്.
ആര്യനാട് ഈഞ്ചപുരയിൽ കെഎസ്ആർടിസി ബസ് വെയ്റ്റിങ് ഷെഡിലേക്ക് ഇടിച്ചുകയറുകയായിരുന്നു. ഷെഡ് തകർന്നാണ് കുട്ടികൾ ഉൾപ്പെടെ ആറുപേർക്ക് പരിക്കേറ്റത്. രാവിലെ 9.15 ഓടെയായിരുന്നു അപകടം ഉണ്ടായത്. അപകടത്തിൽ വെയ്റ്റിങ് ഷെഡ് പൂർണമായും തകർന്നു. പരിക്കേറ്റവരെ തിരുവനന്തപുരം മെഡിക്കൽ കോളേജിലേക്ക് മാറ്റുകയായിരുന്നു.
ബസ് അമിതവേഗതയിലായിരുന്നെന്നാണ് ദൃക്സാക്ഷികള് പറയുന്നത്. രാവിലെ സ്കൂളിലേക്ക് പോകാന് ബസ് കാത്തുനിന്ന വിദ്യാര്ത്ഥികളാണ് അപകടത്തില്പ്പെട്ടത്.