മലപ്പുറം: കിഴിശ്ശേരിയിൽ പ്ലസ്വൺ വിദ്യാർഥിക്ക് പൊലീസില് നിന്നും ക്രൂരമർദനമേറ്റതായി പരാതി. വീട്ടിലേക്ക് പോകാൻ ബസ് കാത്ത് നിൽക്കെ ആണ് പൊലീസ് ഉദ്യോഗസ്ഥൻ ഉൾപ്പെട്ട സംഘം വിദ്യാർഥിയെ മർദിച്ചത് . ഹൃദയ സംബന്ധമായ അസുഖമുള്ള മൊറയൂർ സ്വദേശിയായ വിദ്യാർഥി മർദനത്തിൽ പരിക്കേറ്റതിനെ തുടർന്ന് ചികിത്സ തേടി. പരാതിയിൽ പൊലീസ് നടപടി സ്വീകരിക്കുന്നില്ലെന്ന് കുടുംബം ആരോപിച്ചു.
കുഴിമണ്ണ ഗവ. ഹയർസെക്കന്ഡറി സ്കൂൾ വിദ്യാർഥിക്കാണ് ക്രൂര മർദനമേറ്റത് . ആക്രമണത്തിന്റെ കാരണം വ്യക്തമല്ല. ആക്രമണത്തിന് പിന്നിൽ പൊലീസ് ഉദ്യോഗസ്ഥനാണെന്നും പരാതിയിൽ നടപടി സ്വീകരിക്കുന്നില്ലെന്നും കുട്ടിയുടെ പിതാവ് പറയുന്നു .ആക്രമണത്തിരയായ കുട്ടി മാനസികമായി തകർന്ന അവസ്ഥയിലാണ്. സ്കൂളിലേക്ക് പോകാൻ താല്പര്യമില്ലാതായെന്നും ബന്ധുക്കൾ പറഞ്ഞു .