വയനാട് ചിറയിൽ കുളിക്കാനിറങ്ങിയ വിദ്യാർഥികൾ മുങ്ങിമരിച്ചു

വയനാട്: വയനാട് നെന്മേനിയിൽ ചിറയിൽ കുളിക്കാനിറങ്ങിയ രണ്ട് വിദ്യാർഥികൾ മുങ്ങിമരിച്ചു. കുപ്പാടി സ്വദേശി അശ്വിൻ,വെള്ളച്ചാൽ സ്വദേശി അശ്വന്ത് എന്നിവരാണ് മരിച്ചത്.

കുളിക്കാനിറങ്ങിയ ഗോവിന്ദമൂലച്ചിറയിൽ ചുഴിയിലകപ്പെടുകയായിരുന്നു. സുൽത്താൻ ബത്തേരി സർവജന സ്‌കൂളിലെ പ്ലസ്ടു വിദ്യാർഥികളാണ് ഇരുവരും. ഫയർഫോഴ്‌സും നാട്ടുകാരും ചേർന്നാണ് മൃതദേഹങ്ങൾ പുറത്തെടുത്തത്.