കൽപ്പറ്റ: ദേശീയപാത തകർന്നത് ആരുടെ പിടലിക്ക് ഇടണമെന്ന് മുഖ്യമന്ത്രി പറയണമെന്ന് കെപിസിസി അധ്യക്ഷൻ സണ്ണി ജോസഫ്. ദേശീയപാതയുടെ നിർമാണത്തിൽ അവകാശവാദം ഉന്നയിച്ചത് സംസ്ഥാന സർക്കാരാണ്. തകർന്നു വീഴുമ്പോൾ തള്ളിപ്പറഞ്ഞാൽ പോരെന്നും ദേശീയപാതയുടെ സുരക്ഷയിൽ വലിയ ആശങ്കയുണ്ടെന്നും സണ്ണി ജോസഫ് പ്രതികരിച്ചു.
കേന്ദ്ര-സംസ്ഥാന സർക്കാരുകൾ ഒത്തുകളിക്കുകയാണെന്നും സംസ്ഥാന സർക്കാരിന് ഉത്തരവാദിത്തത്തിൽ നിന്ന് ഒൡച്ചോടാൻ കഴിയില്ലെന്നും സണ്ണി ജോസഫ് പറഞ്ഞു. റിയാസ് എത്ര റീൽസ് എടുത്തു? ദേശീയപാത സ്വന്തമാണെന്നല്ലേ പറഞ്ഞോണ്ടിരുന്നത്. തെരഞ്ഞെടുപ്പ് മുന്നിൽ കണ്ട് പണി തീർക്കുന്നതിന് പകരം റോഡിന്റെ സുരക്ഷയും ഭദ്രതയുമല്ലേ ആവശ്യമെന്നും സണ്ണി ജോസഫ് പ്രതികരിച്ചു.
അതേസമയം, ശബരിമല സ്വർണക്കൊള്ളയുമായി ബന്ധപ്പെട്ട് പത്മകുമാറിനെയും വാസുവിനെയും സിപിഎം നേതാക്കന്മാർ ഭയപ്പെടുന്നുവെന്ന് അദ്ദേഹം പറഞ്ഞു. ശബരിമലയിൽ മുഖ്യമന്ത്രി മറച്ചു നിൽക്കുന്നു, എം.വി ഗോവിന്ദൻ മടിച്ചു നിൽക്കുന്നു. പാർട്ടി നടപടി സ്വീകരിച്ചാൽ പത്മകുമാറും വാസുവും സത്യം പറയുമെന്ന ഭയമാണ് സിപിഎമ്മിനെന്നും കെപിസിസി പ്രസിഡൻറ് പറഞ്ഞു.