കോഴിക്കോട് കുറ്റിക്കാട്ടൂരിൽ യുവാവിനെ തട്ടിക്കൊണ്ടുപോയ സംഘം അറസ്റ്റിൽ

കോഴിക്കോട്: കുറ്റിക്കാട്ടൂരിൽ യുവാവിനെ വീട്ടിൽ അതിക്രമിച്ചു കയറി തട്ടിക്കൊണ്ടുപോയ സംഘം അറസ്റ്റിൽ. കുറ്റിക്കാട്ടൂർ പൈങ്ങോട്ടുപുറം സ്വദേശി ഇർഷാദുൽ ഫാരിസിനെയാണ് തട്ടിക്കൊണ്ടുപോയത്. വീട്ടിൽ മറ്റാരുമില്ലാത്ത സമയത്ത് എത്തിയ സംഘം യുവാവിനെ മർദിച്ച് അവശനാക്കിയ ശേഷം ബലം പ്രയോഗിച്ച് വാഹനത്തിൽ കയറ്റിക്കൊണ്ടുപോവുകയായിരുന്നു.

15-കാരിയെ പീഡിപ്പിച്ചെന്ന് ആരോപിച്ചാണ് യുവാവിനെ തട്ടിക്കൊണ്ടുപോയത്. പെൺകുട്ടിയുടെ ബന്ധുക്കളടക്കം നാലുപേരാണ് അറസ്റ്റിലായത്. പ്രതികളെ ചക്കാലക്കലെ കുന്ന് വളഞ്ഞാണ് പൊലീസ് പിടികൂടിയത്. പെൺകുട്ടിയുടെ പരാതിയിൽ ഇർഷാദിനെതിരെ പോക്‌സോ വകുപ്പ് ചുമത്തി കേസെടുത്തു.

Full View