മലപ്പുറം:എല്ഡിഎഫ് സ്ഥാനാർഥി ശക്തനാണോയെന്ന് തെരഞ്ഞെടുപ്പ് കഴിയുമ്പോള് അറിയാമെന്ന് മുന് എംഎല്എ പി.വി അന്വര്. ' സ്വരാജ് മത്സരിക്കുന്നതിന് എന്താണ് കുഴപ്പം? മത്സരത്തിന്റെ കടുപ്പവും മത്സരത്തിന്റെ ശേഷിയും സ്ഥാനാര്ഥിയുടെ വലിപ്പവും യുഡിഎഫ്,എല്ഡിഎഫ് രാഷ്ട്രീയത്തിന്റെ വലിപ്പവുമെല്ലാം വോട്ടെണ്ണുന്ന സമയത്ത് അറിയാം. അതുവരെ എല്ലാവരും സമന്മാരാണ്. ജനങ്ങളുടെ മനസാണ് തെരഞ്ഞെടുപ്പില് പ്രതിഫലിക്കുന്നത്. ഞാൻ ഉയർത്തി കൊണ്ടുവന്ന പിണറായിസത്തിനെതിരെ വികാരം നാട്ടിലുണ്ട്'. അന്വര് പറഞ്ഞു.
അതേസമയം, യുഡിഎഫിന്റെ ഭാഗമാകുമെന്ന പ്രതീക്ഷയിലാണ് തൃണമൂൽ കോൺഗ്രസ്.അൻവർ - കോൺഗ്രസ് തർക്കത്തിൽ തിരക്കിട്ട ചർച്ചകൾ തുടരുകയാണ്. ഒരു പകൽ കൂടി കാത്തിരിക്കാമെന്നാണ് അൻവര് ഇന്ന് രാവിലെ വാര്ത്താസമ്മേളനത്തില് പറഞ്ഞത്.അതിനിടയിലും യുഡിഎഫ് ഘടകകക്ഷി എന്ന ആവശ്യത്തിൽ നിന്ന് പിന്നോട്ടില്ലെന്ന് ആവർത്തിന്നുണ്ട് അൻവർ. മൂന്ന് സമുദായങ്ങളുടെ നേതാക്കളുടെയും പിന്തുണ തനിക്കുണ്ടെന്നും, ഘടകകക്ഷി എന്ന ആവശ്യം ന്യായമെന്നും പി.വി അൻവർ പറഞ്ഞു.
നിലവിലെ സാഹചര്യം വിലയിരുത്തി തുടർ തീരുമണങ്ങൾക്കായി ടിഎംസി പ്രവർത്തക സമിതി യോഗം ചേർന്നു.പ്രശ്നപരിഹാരം ഇല്ലെങ്കിൽ മണ്ഡലത്തിൽ ഒറ്റക്ക് മത്സരവുമായി മുന്നോട്ടെന്നാണ് ടിഎംസി യോഗ തീരുമാനം.അതേസമയം, സമവായത്തിൻ്റെ സൂചനകളാണ് യുഡിഎഫ് കൺവീനർ അടക്കം കോൺഗ്രസ് നേതാക്കളുടെയും പ്രതികരണങ്ങൾ.