ദമ്മാമില് കാസര്കോട് സ്വദേശി കോവിഡ് ബാധിച്ചു മരിച്ചു; സൗദിയില് മരിച്ച മലയാളികളുടെ എണ്ണം 15 ആയി
സൗദിയില് കോവിഡ് ബാധിച്ച് മലയാളി മരിച്ചു. കാസര്ഗോഡ് കുമ്പള സ്വദേശി മൊയ്തീന് കുട്ടി അരിക്കാടിയാണ് മരിച്ചത്. 59 വയസ്സായിരുന്നു. ദമ്മാം അല്ഖോബാറിലായിരുന്നു ജോലി. കോവിഡ് ലക്ഷണങ്ങളെ തുടര്ന്ന് ആശുപത്രിയില് പ്രവേശിപ്പിച്ച് തീവ്രപരിചരണ വിഭാഗത്തില് കഴിഞ്ഞ് വരുന്നതിനിടെയാണ് മരണം. ഇരുപത്തിയഞ്ച് വര്ഷമായി സൗദിയിലുളള മൊയ്തീന് കുട്ടി റസ്റ്റോറന്റ് ജീവനക്കാരനായാണ് ജോലി ചെയ്തിരുന്നത്. മൃതദേഹം കോവിഡ് നടപടികള്ക്ക് വിധേയമായി മറവ് ചെയ്യും. ഇതോടെ സൗദിയില് കോവിഡ് ബാധിച്ച് മരിക്കുന്ന മലയാളികളുടെ എണ്ണം പതിനഞ്ചായി.
ഇതുവരെ മരിച്ച മലയാളികള് ഇവരാണ്:
1.മദീനയില് കണ്ണൂര് സ്വദേശി ഷബ്നാസ് (29 വയസ്സ്),
2.റിയാദില് മലപ്പുറം ചെമ്മാട് സ്വദേശി സ്വഫ്വാന് (41),
3.റിയാദില് മരണപ്പെട്ട വിജയകുമാരന് നായര് (51 വയസ്സ്),
4.മക്കയില് മരണപ്പെട്ട മലപ്പുറം തെന്നല വെസ്റ്റ് ബസാർ സ്വദേശി മുഹമ്മദ് എന്ന ഇപ്പു മുസ്ലിയാർ (57 വയസ്സ്)
5.അല് ഖസീം പ്രവിശ്യയിലെ ഉനൈസയില് മരണപ്പെട്ട ആലപ്പുഴ ആദിക്കാട്ടുകുളങ്ങര സ്വദേശി ഹസീബ് ഖാന് (51 വയസ്സ്),
6.ജിദ്ദയില് മലപ്പുറം കൊളപ്പുറം ആസാദ് നഗർ സ്വദേശി പാറേങ്ങൽ ഹസ്സൻ (56)
7.മദീനയില് മലപ്പുറം മക്കരപ്പറമ്പ സ്വദേശി പഴമള്ളൂർ കട്ടുപ്പാറയിലെ അരിക്കത്ത് ഹംസ അബുബക്കർ (59),
8.മക്കയില് മലപ്പുറം പാണ്ടിക്കാട് ഒറുവുമ്പുറം സ്വദേശി മുഹമ്മദ് റഫീഖ് (46),
9.റിയാദില് കൊല്ലം മൈനാഗപ്പള്ളി സ്വദേശി കടപ്പതുണ്ടില് ശരീഫ് ഇബ്രാഹിം കുട്ടി (43),
10.ദമ്മാമില് മലപ്പുറം നിലമ്പൂര് മരുത സ്വദേശി നെല്ലിക്കോടന് സുവദേവന് (52),
11.ദമ്മാമില് എറണാകുളം മുളന്തുരുത്തി സ്വദേശി ഇറക്കാമറ്റത്തില് കുഞ്ഞപ്പന് ബെന്നി (53),
12. റിയാദില് തൃശ്ശൂര് കുന്നംകുളം കടവല്ലൂര് സ്വദേശി പട്ടിയാമ്പുള്ളി ബാലന് ഭാസി (60),
13. റിയാദില് കൊല്ലം ജില്ലയിലെ അഞ്ചല് ഇടമുളക്കല് ആതിര ഭവനില് മധുസൂദനന്പിള്ള (61)
14. റിയാദില് കണ്ണൂര് മൊഴപ്പിലങ്ങാട് സ്വദേശി കാരിയന്കണ്ടി ഇസ്മായീല് (54) എന്നിവരാണ് ഇതുവരെ കോവിഡ് ബാധിച്ച് മരിച്ചത്.