ജിദ്ദയില് നിന്നും അടുത്തയാഴ്ച അഞ്ച് വിമാനങ്ങള്; അടുത്ത വിമാന ഷെഡ്യൂള് പുറത്തിറങ്ങി
സൌദിയില് നിന്നും അടുത്തയാഴ്ച ഇന്ത്യയിലേക്കുള്ള വിമാന ഷെഡ്യൂളുകള് പ്രഖ്യാപിച്ചു. റിയാദില് നിന്നും ഈ മാസം 31ന് തിരുവനന്തപുരത്തേക്ക് വിമാനമുണ്ട്. ഇതിന് പുറമേയാണ് ഇപ്പോള് പ്രഖ്യാപിച്ച പുതിയ ഷെഡ്യൂള്. ഇതില് കേരളത്തിലേക്ക് രണ്ട് വിമാനങ്ങളുണ്ട്. വലിയ വിമാനങ്ങളാണ് യാത്രക്ക് ഒരുക്കുന്നത്.
ഈ മാസം 29 ന് വെള്ളിഴാഴ്ചയും 30ന് ശനിയാഴ്ചയുമായിരിക്കും വിമാനസർവീസുകൾ. എയർ ഇന്ത്യയുടെ 319 പേർക്ക് യാത്രചെയ്യാവുന്ന വിമാനങ്ങളാണ് ഇരു സർവീസുകൾക്കും ഉപയോഗിക്കുക. നേരത്തെ ഇന്ത്യൻ എംബസിയിൽ രജിസ്റ്റർ ചെയ്തവരിൽ നിന്നുള്ള മുൻഗണന അനുസരിച്ചായിരിക്കും ഇതിലേക്കുള്ള യാത്രക്കാരെ തിരഞ്ഞെടുക്കുക. ജൂൺ രണ്ടിന് ജിദ്ദയിൽ നിന്നും ഡൽഹി വഴി ബീഹാറിലെ ഗയയിലേക്കും ജൂൺ നാലിന് ജിദ്ദയിൽ നിന്നും ശ്രീനഗറിലേക്കും ജൂൺ ആറിന് ജിദ്ദയിൽ നിന്നും ചെന്നൈയിലേക്കും പ്രത്യേകം എയർ ഇന്ത്യ വിമാനങ്ങൾ ഉണ്ടാവും. 149 പേർക്ക് യാത്ര ചെയ്യാവുന്ന വിമാനങ്ങളായിരിക്കും ഈ സർവീസുകൾക്ക് ഉപയോഗിക്കുക. എംബസി പുറത്ത് വിട്ട വിശദമായ പട്ടിക താഴെ.