വിംബിള്ഡണ് വനിതാ സിംഗിള്സിന്റെ രണ്ടാം സെമിയില് ബ്രിട്ടന്റെ ജൊഹാന കോന്റോയെ തോല്പിച്ച് അമേരിക്കയുടെ വീനസ് വില്യംസ് ഫൈനലിലെത്തി
വിംബിള്ഡണ് വനിതാ സിംഗിള്സിന്റെ രണ്ടാം സെമിയില് ബ്രിട്ടന്റെ ജൊഹാന കോന്റോയെ തോല്പിച്ച് അമേരിക്കയുടെ വീനസ് വില്യംസ് ഫൈനലിലെത്തി. നേരിട്ടുള്ള സെറ്റുകള്ക്കാണ് ജൊഹാന കോന്റോയെ വീനസ് തോല്പിച്ചത്. സ്കോര്: 6-4, 6-2. ഫൈനലില് സ്പെയിനിന്റെ ഗാര്ബൈന് മുഗുരിസയാണ് വീനസിന്റെ എതിരാളി. വീനസിന്റെ കരിയറിലെ ഒമ്പതാം ഫൈനല് പ്രവേശമാണിത്.
ഇന്ന് നടന്ന ആദ്യ സെമിയില് സ്ലൊവാക്യയുടെ മഗ്ദലേന റിബറിക്കോവയെ നേരിട്ടുളള സെറ്റുകള്ക്ക് തോല്പിച്ചാണ് ഗാര്ബൈന് മുഗുരിസ ഫൈനലില് പ്രവേശിച്ചത്. 6-1, 6-1 എന്ന നിലയിലായിരുന്നു സ്കോര്. രണ്ടാം തവണയാണ് മുഗുരിസ ഫൈനലിലെത്തുന്നത്. 2015ല് വിംബിള്ഡണ് ഫൈനല് കളിച്ചെങ്കിലും സെറീന വില്യംസിനോട് തോല്ക്കുകയായിരുന്നു. വിംബിള്ഡണില് ആദ്യമായാണ് വീനസ്-മുഗുരിസ ഫൈനല്. ഇൌ മാസം പതിനഞ്ചിനാണ് ഫൈനല് പോരാട്ടം.