സംസ്ഥാന കോളേജ് ഗെയിംസില്‍ ചങ്ങനാശ്ശേരി അസംപ്ഷന്‍ കോളേജും ക്രൈസ്റ്റ് കോളേജും മുന്നില്‍
Update: 2018-05-29 11:04 GMT
ഇന്ന് 9 ഫൈനലുകള്‍ നടക്കും
കോഴിക്കോട് നടക്കുന്ന സംസ്ഥാന കോളേജ് ഗെയിംസില്‍ ചങ്ങനാശ്ശേരി അസംപ്ഷന്‍ കോളേജും ക്രൈസ്റ്റ് കോളേജും മുന്നില്‍. ആദ്യ ദിനം 16 ഇനങ്ങള്‍ പൂര്‍ത്തിയായി. ഇന്ന് 9 ഫൈനലുകള്‍ നടക്കും.
വനിതാ വിഭാഗത്തില്‍ 46 പോയിന്റുമായാണ് ചങ്ങനാശ്ശേരി അസംപ്ഷന്‍ കോളേജ് ആദ്യ ദിനം സ്വന്തമാക്കിയത്. 44 പോയിന്റുമായി പാലാ അല്‍ഫോണ്‍സ കോളേജാണ് രണ്ടാം സ്ഥാനത്ത്. പുരുഷ വിഭാഗത്തില്‍ ഇരിങ്ങാലക്കുട ക്രൈസ്റ്റ് കോളേജാണ് മുന്നില്‍ 29 പോയിന്റ്. തൊട്ടുപിന്നിലുള്ള എം എ കോളേജ് കോതമംഗലത്തിന് 27 പോയിന്റാണുള്ളത്. ഗുരുവായൂര്‍ ശ്രീകൃഷ്ണ കോളേജിലെ അശ്വിന്‍ കെ.പിയും പാലാ അല്‍ഫോണ്‍സ കോളേജിലെ രമ്യ രാജനുമാണ് മീറ്റിലെ വേഗക്കാര്‍. ഇന്ന് എട്ടിനങ്ങളില്‍ ഫൈനല്‍ മത്സരങ്ങള്‍ നടക്കും. 800 മീറ്റര്‍ 5000 മീറ്റര്‍ മത്സരങ്ങള്‍ക്കൊപ്പം റിലേ ഫൈനലുകളും ഇന്നരങ്ങേറും.