ഇന്ത്യ-ദക്ഷിണാഫ്രിക്ക ആദ്യ ടി20;സഞ്ജു സാംസൺ ആദ്യ ഇലവനിലില്ല

കട്ടക്ക്: ദക്ഷിണാഫ്രിക്കക്കെതിരായ ആദ്യ ടി20 മത്സരത്തിൽ സഞ്ജു സാംസണില്ല. ജിതേഷ് ശർമ വിക്കറ്റ് കീപ്പറാകും. ടോസ് ദക്ഷിണാഫ്രിക്ക ഇന്ത്യയെ ബാറ്റിം​ഗിയച്ചു. ഒഡിഷയിലെ ബരാബതി സ്റ്റേഡിയത്തിലാണ് പരമ്പരയിലെ ആദ്യ ടി20 നടക്കുന്നത്

സൂര്യകുമാർ യാദവ് നയിക്കുന്ന ടീമിന്റെ ഉപനായകൻ പരിക്കുമാറി തിരിച്ചെത്തിയ ശുഭ്മൻ ​ഗില്ലാണ്. അഭിഷേക് ശർമയും ​ഗില്ലുമാണ് ഓപ്പണർമാർ. ദക്ഷിണാഫ്രിക്കക്കെതിരായ ആദ്യ ടെസ്റ്റ മത്സരത്തിലാണ് ​ഗില്ലിന് കഴുത്തിന് പരിക്കേൽക്കുന്നത്. ശേഷം നടന്ന ഏകദിന പരമ്പരയിൽ താരം കളത്തി കളത്തിലിറങ്ങിയിരുന്നില്ല. രണ്ട് മാസത്തോളമായി പരിക്കിലായിരുന്ന ഹാർദിക പാണ്ഡ്യ ആദ്യ ഇലവനിലുണ്ട്. ഈ വർഷം സെപ്തംബറിൽ നടന്ന ഏഷ്യാ കപ്പിൽ ശ്രീലങ്കക്കെതിരായ മത്സരത്തിനു ശേഷം താരം കളിക്കുന്ന ആദ്യ മത്സരമാണിത്. പേസർമാരായി ജസ്പ്രിത് ബുമ്ര, അർഷ്ദീപ് സിം​ഗ് എന്നിവരാണുള്ളത്. ലെ​ഗ് സ്പിന്നറായ വരുൺ ചക്രവർത്തി, ആൾ റൗണ്ടർമാരായ അക്സർ പട്ടേൽ, ശിവം ദുബേ എന്നിവരും ടീമിലുണ്ട്. ഹർഷിത് റാണ ടീമിലില്ല.