ആര്‍ക്കൈവ് ചെയ്യുന്ന ചാറ്റുകള്‍ക്ക് കൂടുതല്‍ നിയന്ത്രണം; പുതിയ സന്ദേശങ്ങള്‍ക്കും നോട്ടിഫിക്കേഷന്‍ ലഭിക്കില്ലെന്ന് വാട്സ്ആപ്പ്

വാട്​സാപ്പിൽ ആർക്കൈവ്​ ചെയ്യുന്ന ചാറ്റുകൾക്ക്​ കൂടുതൽ നിയന്ത്രണം. ഇനി പുതിയ സന്ദേശങ്ങൾ വന്നാലും ആർക്കൈവ്​ ചെയ്​ത ചാറ്റുകളിൽ അവയുടെ​ നോട്ടിഫിക്കേഷൻ കാണിക്കില്ലെന്ന്​ വാട്​സാപ്പ്​ അറിയിച്ചു. വീണ്ടും അവ കാണിച്ചുതുടങ്ങാൻ ആർക്കൈവ്​ ചെയ്​തത്​ ഒഴിവാക്കണം. 

പുതിയ സേവനം ഐഫോൺ, ആൻഡ്രോയ്​ഡ്​ ഉപയോക്​താക്കൾക്ക്​ ഒരുപോലെ ലഭ്യമാണെന്ന്​ വാട്​സ്ആപ്പ് പുറത്തുവിട്ട​ വാർത്താ കുറിപ്പില്‍​ പറയുന്നു. ഉപയോക്താക്കൾക്ക്​ സ്വന്തം ഇൻബോക്​സിൽ കൂടുതൽ നിയന്ത്രണം നൽകാനായാണ്​ ഇത്​ നടപ്പാക്കുന്നതെന്നും അധികൃതര്‍ വ്യക്തമാക്കി. 

കഴിഞ്ഞ കുറച്ച് വർഷങ്ങളായി ആർകൈവ്ഡ് ചാറ്റ് ഫീച്ചർ നിലവിലുണ്ടെങ്കിലും, ആർക്കൈവുചെയ്‌ത ത്രെഡിൽ ഒരു പുതിയ മെസേജ് ലഭിക്കുമ്പോഴെല്ലാം അവ ചാറ്റുകളിൽ മുന്നിൽ തന്നെ കയറി വരുമായിരുന്നു. ഇത് ആർകൈവ്ഡ് ചാറ്റ് ഓപ്ഷൻ ഉപയോഗിക്കുമ്പോഴുള്ള പോരായ്മയായി ചൂണ്ടികാണിക്കപ്പെടുകയും ചെയ്തിരുന്നു.