ഹൈദരാബാദ് ഇംഗ്ലീഷ് ആൻഡ് ഫോറിൻ ലാംഗ്വജസ് യൂണിവേഴ്സിറ്റിയിൽ (ഇഫ്ലു) പിജി സർട്ടിഫിക്കറ്റ് ഇൻ ടീച്ചിങ് ഓഫ് ഇംഗ്ലീഷ് പ്രോഗ്രാമിനു രജിസ്ട്രേഷൻ നാളെ വരെ. ഒരു വർഷമാണ് കോഴ്സ് കാലാവധി. എട്ട് മാസത്തെ വിദൂര പഠനവും രണ്ട് മാസത്തെ സമ്പർക്ക ക്ലാസുകളുമുണ്ട്. യോഗ്യത: ഇംഗ്ലീഷിൽ എംഎ അല്ലെങ്കിൽ ഭാഷാശാസ്ത്രം, എജ്യുക്കേഷൻ, മാസ് കമ്യൂണിക്കേഷൻ, സൈക്കോളജി, ക്രിട്ടിക്കൽ ഹ്യുമാനിറ്റീസ് /ലിബറൽ ആർട്സ് തുടങ്ങിയ ഏതെങ്കിലും അനുബന്ധ വിഷയങ്ങളിൽ എംഎ. ഫീസ് 7540 രൂപ.
നെറ്റ് യോഗ്യത ഇല്ലാത്തവരിൽനിന്നു മുഴുവൻ സമയ റഗുലർ പിഎച്ച്ഡി പ്രവേശനത്തിന് അപേക്ഷ ക്ഷണിച്ചു. അഖിലേന്ത്യാ പ്രവേശനപരീക്ഷയിലൂടെയും തുടർന്നുള്ള അഭിമുഖത്തിലൂടെയുമാണ് പ്രവേശനം. ലിറ്റററി സ്റ്റഡീസ് / ഇംഗ്ലീഷ് ലാംഗ്വിജ് എജ്യുക്കേഷൻ / ലാംഗ്വിജ് സയൻസസ് / ഇന്റർഡിസിപ്ലിനറി സ്റ്റഡീസ് / യൂറോപ്യൻ ലാംഗ്വിജസ് / അറബ് ആൻഡ് എഷ്യൻ സ്റ്റഡീസ് സ്കൂളുകളിലാണ് ഗവേഷണം. രജിസ്ട്രേഷൻ 15 വരെ. efluniversity.ac.in