രഞ്ജിത്തിന്റെ ലീലയില്‍ ഡിങ്കനും

രഞ്ജിത്തിന്റെ പുതിയ ചിത്രം ലീലയിലെ ഗാനത്തിലാണ് ഡിങ്കനെയും ഉള്‍പ്പെടുത്തിയത്.

ഡിങ്കനെ പുകഴ്ത്തി രഞ്ജിതും. രഞ്ജിത്തിന്റെ പുതിയ ചിത്രം ലീലയിലെ ഗാനത്തിലാണ് ഡിങ്കനെയും ഉള്‍പ്പെടുത്തിയത്. ബിജു മേനോനാണ് ഗാനം ആലപിച്ചത്.

ബിജിബാല്‍ സംഗീതം നല്‍കിയ ഗാനത്തിന്റെ പ്രൊമോ ആണ് ഇന്ന് പുറത്തിറങ്ങിയത്. ഒരിടവേളക്ക് ശേഷം ബിജുമേനോന്‍ വീണ്ടും ഗായകനായി എത്തുകയാണ് ചിത്രത്തിലൂടെ. പ്രശസ്തമായ വട്ടോളം വാണിയോരെ കേട്ടുകൊള്‍ക എന്ന ഗാനമാണ് ചിത്രത്തിലുള്ളത്. ഡിങ്കന്‍ തരംഗം ഉള്ളതുകൊണ്ടാകാം പാട്ടില്‍ രഞ്ജിത്‍ ഡിങ്കനെയും ഉള്‍പ്പെടുത്തിയിട്ടുണ്ട്. ഉണ്ണി ആറിന്റെ ലീല എന്ന കഥയാണ് രഞ്ജിത് സിനിമയാക്കുന്നത്. കുട്ടിയപ്പനെന്ന നായക വേഷത്തിലെത്തുന്നതും ബിജു മേനോന്‍ തന്നെയാണ്.