ദീപു അന്തിക്കാട് സംവിധാനം ചെയ്യുന്ന നാലാം മുറ എന്ന ചിത്രത്തിലെ ആദ്യ ലിസിക്കൽ വീഡിയോ ഗാനം പുറത്തിറങ്ങി. 'കൊളുന്തു. നുള്ളിനുള്ളി.. കൊളുക്കുമലയിലെ പെണ്ണ്' എന്നു തുടങ്ങുന്ന ഗാനമാണ് റിലീസ് ചെയ്തത്. നാടൻ പാട്ടിന്റെ ചുവടുപിടിച്ച് അവതരിപ്പിക്കുന്ന ഈ ഗാനരംഗം ഇതിനകം ഏറെ പോപ്പുലറായിരിക്കുകയാണ്.
ഗുരു സോമസുന്ദരവും സുരഭി സന്തോഷുമാണ് ഈ ഗാനരംഗത്തിലെ അഭിനേതാക്കള്. തേയിലത്തോട്ടത്തിന്റെ പശ്ചാത്തലത്തിലൂടെയാണ് ഈ ഗാനരംഗത്തിന്റെ അവതരണം. മനോഹരമായ ദൃശ്യാനുഭവവും കൗതുകകരമായ അവതരണവും പ്രേഷകനെ നമ്മുടെ നാട്ടുമ്പുറങ്ങളിലെ ഓർമ്മകളിലേക്കു നയിക്കപ്പെടാൻ വഴിയൊരുക്കുന്നതാണ്. ബിജു മേനോൻ ,അലൻസിയർ, പ്രശാന്ത് അലക്സാണ്ടർ, ഗ്യാം ജേക്കബ് എന്നിവരും ഈ ഗാനരംഗത്തിൽ പ്രത്യക്ഷപ്പെടുന്നുണ്ട്. ശ്രീജിത്ത് ഉണ്ണികൃഷ്ണന്റെ വരികള്ക്ക് കൈലാസ് ഈണമിട്ടിരിക്കുന്നു. പൂർണമായും ഇൻവസ്റ്റിഗേറ്റീവ് ത്രില്ലർ സിനിമയാണ് നാലാം മുറ.
ബിജു മേനോനും ഗുരു സോമസുന്ദരവുമാണ് ഈ ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. ശാന്തി പ്രിയാ,( ദൃശ്യം2 ഫെയിം) ഷീലുഏബ്രഹാം,സിജോയ് വർഗീസ്, ഋഷി സുരേഷ് ശിവരാജ്, വൈശാഖ്,( തണ്ണീർമത്തൻ ദിനങ്ങൾ ഫെയിം) എന്നിവരും ഈ ചിത്രത്തിലെ പ്രധാന താരങ്ങളാണ്. ക്രൈംബ്രാഞ്ച് ഉദ്യോഗസ്ഥനായ സൂരജ്.വി.ദേവിന്റെതാണ് തിരക്കഥ. പശ്ചാത്തല സംഗീതം- ഗോപി സുന്ദർ, ഛായാഗ്രഹണം- ലോകനാഥൻ, എഡിറ്റിംഗ്- ഷമീർ മുഹമ്മദ്, കലാസംവിധാനം -അനീസ് നാടോടി. മേക്കപ്പ് - റോണക്സ് സേവ്യർ, കോസ്റ്റും ഡിസൈൻ - നയന ശ്രീകാന്ത്, ചീഫ് അസ്സോസ്സിയേറ്റ് ഡയറക്ടർ - നിധിൻ മൈക്കിൾ, അസ്സോസ്സിയേറ്റ് ഡയറക്ടേഴ്സ് - അമൃതാ ശിവദാസ്, അഭിലാഷ്.എസ്.പാറേൽ, പ്രൊഡക്ഷൻ എക്സിക്യൂട്ടീവ് - ഷെമീജ് കൊയിലാണ്ടി, പ്രൊഡക്ഷൻ കൺട്രോളർ- ജാവേദ് ചെമ്പ്, എക്സിക്യൂട്ടീവ് പ്രൊഡ്യൂസർ-ഷാബു അന്തിക്കാട്.യു.എഫ്.ഐ.മോഷൻ പിക്ച്ചേർ സിനു വേണ്ടി കിഷോർ വാര്യത്ത്, ലക്ഷ്മി നാഥ് ക്രിയേഷൻസിനു വേണ്ടി സുധീഷ് പിള്ള, സെലിബ്രാന്റ്സിനു വേണ്ടി ഷിബു അന്തിക്കാട് എന്നിവർ നിർമ്മിക്കുന്ന ഈ ചിത്രത്തിന്റെ നിർമ്മാണ പ്രവർത്തനങ്ങൾ പൂർത്തിയായി വരുന്നു. പി.ആര്.ഒ-വാഴൂർ ജോസ്.