എത്രയും വേഗം ഈ പരിപാടി തീര്‍ക്കണം; ഹരിപ്പാടിലെ ബ്ലോക്ക് കണ്ട് മമ്മൂട്ടി, വീഡിയോ
നമ്മള്‍ ഇത്രയും നേരം ഈ റോഡ് ബ്ലോക്ക് ആക്കി നിര്‍ത്തിയിരിക്കുകയാണ്
Update: 2022-08-01 07:12 GMT
ഹരിപ്പാട്: മെഗാതാരത്തെ കാണാന്‍ ആരാധകര്‍ തടിച്ചുകൂടിയതു മൂലം റോഡ് ബ്ലോക്കായി. ഹരിപ്പാട് ഒരു വസ്ത്ര സ്ഥാപനത്തിന്‍റെ ഉദ്ഘാടനത്തിനെത്തിയ മമ്മൂട്ടിയെ കാണാന്‍ ആരാധകരുടെ പ്രവാഹമായിരുന്നു. ഒടുവില്‍ റോഡ് ബ്ലോക്കായപ്പോള്‍ മമ്മൂട്ടി തന്നെ രംഗത്തെത്തി.
''നമ്മള്‍ ഇത്രയും നേരം ഈ റോഡ് ബ്ലോക്ക് ആക്കി നിര്‍ത്തിയിരിക്കുകയാണ്. എത്രയും വേഗം ഈ പരിപാടി തീര്‍ത്തുപോയാലെ അത്യാവശ്യക്കാര്‍ക്ക് പോകാന്‍ കഴിയൂ. നമ്മള്‍ സന്തോഷിക്കുവാണ്. പക്ഷേ അവര്‍ക്ക് ഒരുപാട് അത്യാവശ്യം കാണും. ഞാന്‍ ഈ പരിപാടി നടത്തി വേഗം പോകും. നമുക്ക് വീണ്ടും കാണാം'' എന്ന് പറഞ്ഞ് മമ്മൂട്ടി വാക്കുകൾ ചുരുക്കുക ആയിരുന്നു. ഈ വീഡിയോ സോഷ്യൽ മീഡിയയിൽ ശ്രദ്ധനേടുകയാണ്.
മലയാള ചലച്ചിത്ര ലോകത്തെ അദ്ഭുത പ്രതിഭാസമാണ് മമ്മൂട്ടിയെന്ന് രമേശ് ചെന്നിത്തല. കാലങ്ങളായി ഇതേ രൂപത്തില്‍ നാം മമ്മൂക്കയെ കാണുകയാണെന്നും ചെന്നിത്തല പറഞ്ഞു. കേരളത്തിലെ ജനങ്ങളുമായി ഹൃദയബന്ധം സ്ഥാപിച്ച നടനെന്ന് എ.എം ആരിഫും പറഞ്ഞു.