'രാജ്യത്തിനായി ജീ​വ​ൻ വെ​ടി​ഞ്ഞവരുടെ ത്യാ​ഗം വ​രും​ത​ല​മു​റ​ക​ൾ​ക്ക് പ്രചോദനമാണ്'; രക്തസാക്ഷി ദിനം ആചരിച്ച് ബഹ്റൈൻ

മനാമ: ബ​ഹ്‌​റൈ​ൻ ദേ​ശീ​യ ദി​നാ​ഘോ​ഷ​ങ്ങ​ളു​ടെ​ പശ്ചാത്തലത്തിൽ ​രാ​ജ്യം ര​ക്ത​സാ​ക്ഷി​ ദി​നം ആ​ച​രി​ച്ചു. ബഹ്റൈന്റെ സു​ര​ക്ഷ​ക്കും പ​ര​മാ​ധി​കാ​ര​ത്തി​നും വേ​ണ്ടി ജീ​വ​ത്യാ​ഗം ചെ​യ്ത ധീ​ര​ സൈ​നി​ക​രു​ടെ ഓ​ർ​മ പു​തു​ക്കു​ന്ന​തായിരുന്നു ചടങ്ങ്. സൈനികവും മാനുഷികവുമായ ദൗ​ത്യ​ങ്ങ​ൾ​ക്കി​ട​യി​ൽ ബഹ്റൈന് വേണ്ടി ജീ​വ​ൻ വെ​ടി​ഞ്ഞ​ മനുഷ്യരുടെ ത്യാ​ഗം വ​രും​ത​ല​മു​റ​ക​ൾ​ക്ക് എ​ന്നും പ്രചോദനമാണെന്ന് ഹമദ് രാ​ജാ​വ് ഓർമിപ്പിച്ചു.

രാ​ജ്യ​ത്തി​ന്റെ സു​ര​ക്ഷ​ക്കും പ​ര​മാ​ധി​കാ​ര​ത്തി​നും വേ​ണ്ടി ജീ​വ​ത്യാ​ഗം ചെ​യ്ത ധീ​ര സൈ​നി​ക​രു​ടെ ഓ​ർ​മ പു​തു​ക്കു​ന്ന രക്തസാക്ഷി ദി​നത്തിലായിരുന്നു രാജാവിന്റെ സന്ദേശം. ര​ക്ത​സാ​ക്ഷി ദി​ന​ത്തി​ന്റെ ഭാ​ഗ​മാ​യി സാ​ഖി​ർ പാലസിൽ ഹ​മ​ദ് രാ​ജാ​വി​ന്റെ നേതൃത്വത്തിൽ ഔ​ദ്യോ​ഗി​ക ച​ട​ങ്ങു​ക​ൾ ന​ട​ന്നു. കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ് സ​ൽ​മാ​ൻ ബി​ൻ ഹ​മ​ദ് ​ൽ ഖ​ലീ​ഫ​യും മ​റ്റ് ഉ​ന്ന​ത ഉ​ദ്യോ​ഗ​സ്ഥ​രും ച​ട​ങ്ങി​ൽ പങ്കെടുത്തു.

ബ​ഹ്‌​റൈ​ൻ ഡി​ഫ​ൻ​സ് ഫോ​ഴ്‌​സ്, ആ​ഭ്യ​ന്ത​ര മ​ന്ത്രാ​ല​യം, നാ​ഷ​ന​ൽ ഗാ​ർ​ഡ്, നാ​ഷ​ണൽ ഇ​ന്റ​ലി​ജ​ൻ​സ് ഏ​ജ​ൻ​സി തു​ട​ങ്ങി എല്ലാ സു​ര​ക്ഷാ​വി​ഭാ​ഗ​ങ്ങ​ളിലും സേ​വ​ന​മ​നു​ഷ്ഠി​ക്ക​വെ വീ​ര​മൃ​ത്യു വ​രി​ച്ച​വ​രെ ആ​ദ​രി​ക്കു​ന്ന​തായി ഹ​മ​ദ് രാ​ജാ​വ് ഔദ്യാ​ഗികമായി പ്രഖ്യാപിച്ചു. ര​ക്ത​സാ​ക്ഷി​ക​ൾ​ക്കാ​യി ഒ​രു മി​നി​റ്റ് മൗ​നം ആ​ച​രി​ക്കു​ക​യും ആ​ദ​ര​സൂ​ച​ക​മാ​യി പീ​ര​ങ്കി വെടി മുഴക്കുകയും ചെ​യ്തു. ശേഷം റോ​യ​ൽ ബ​ഹ്‌​റൈ​ൻ എ​യ​ർ​ഫോ​ഴ്‌​സി​ന്റെ യു​ദ്ധ​വി​മാ​ന​ങ്ങ​ൾ ആ​കാ​ശ​ത്ത് ഫ്ലൈ​പാ​സ്റ്റ് ന​ട​ത്തി ആ​ദ​ര​മ​ർ​പ്പി​ച്ചു. പ്ര​ഭാ​ഷ​ക​ൻ ശൈ​ഖ് അ​ദ്നാ​ൻ അ​ൽ ഖ​ത്താ​ൻ ര​ക്ത​സാ​ക്ഷി​ക​ൾ​ക്കാ​യി പ്ര​ത്യേ​ക പ്രാ​ർ​ഥ​ന ന​ട​ത്തി.