ഗൾഫ് ന്യൂട്രീഷൻ വാരാചരണത്തിൽ ബഹ്റൈൻ ആരോഗ്യ മന്ത്രാലയം പങ്കാളിയാകും
ഉചിതവും സന്തുലിതവുമായ ഭക്ഷണശീലം ഉറപ്പാക്കുന്നതിനുളള ശ്രമങ്ങൾ ശക്തിപ്പെടുത്തുന്നതിന്റെ ഭാഗമായാണ് വാരാചരണം
Update: 2022-03-09 07:01 GMT
ഗൾഫ് ന്യൂട്രീഷൻ വാരാചരണത്തിൽ ബഹ്റൈൻ ആരോഗ്യ മന്ത്രാലയം പങ്കാളിയാകും. മാർച്ച് ഏഴ് മുതൽ 13 വരെയാണ് അംഗരാജ്യങ്ങളുടെ പങ്കാളിത്തത്തോടെ ഗൾഫ് ന്യൂട്രീഷൻ വാരാചരണം സംഘടിപ്പിക്കുന്നത്.
ഉചിതവും സന്തുലിതവുമായ ഭക്ഷണശീലം ഉറപ്പാക്കുന്നതിനുളള ശ്രമങ്ങൾ ശക്തിപ്പെടുത്തുന്നതിന്റെ ഭാഗമായാണ് വാരാചരണം. ആരോഗ്യകരമല്ലാത്ത ഭക്ഷണ ശീലങ്ങൾ ഒഴിവാക്കാനും അതുവഴി രോഗങ്ങൾ തടയാനും സാധിക്കും. ശരിയായ ഭക്ഷണം, മതിയായ വ്യായാമം എന്നിവയാണ് ആരോഗ്യകരമായ ഒരു സമൂഹത്തിന്റെ ലക്ഷണം.
പോഷകാഹാരവുമായി ബന്ധപ്പെട്ട് ലോകാരോഗ്യ സംഘടനയുടെ നിർദേശങ്ങൾ കൂടുതൽ പേരിലേക്ക് എത്തിക്കുന്നതിന് ഉപയുക്തമായ പരിപാടികൾ ആസൂത്രണം ചെയ്ത് നടപ്പിലാക്കും. അമിത വണ്ണം മൂലമുണ്ടാകുന്ന രോഗങ്ങളിൽ നിന്നും മുക്തമാക്കാനും ശ്രമമുണ്ടാകും. ആരോഗ്യ ശീലമുള്ള തലമുറയെ വാർത്തെടുക്കുന്നതിനുള്ള ശ്രമങ്ങൾ കൂടുതൽ ശക്തമാക്കേണ്ടതുണ്ടെന്ന് ഗൾഫ് പോഷകാഹാര വാരാചരണത്തോടനുബന്ധിച്ച് ആരോഗ്യ മന്ത്രാലയം ഇറക്കിയ പ്രത്യേക പ്രസ്താവനയിൽ വ്യക്തമാക്കി.