ബിൽ അടക്കാത്തതിനെ തുടർന്ന് വിഛേദിച്ച വൈദ്യുതി കണക്ഷനുകൾ ഒമാനില്‍ പുനഃസ്ഥാപിച്ചുതുടങ്ങി

ഒമാനിൽ ബിൽ അടക്കാത്തതിനെ തുടർന്ന് വിഛേദിച്ച വൈദ്യുതി കണക്ഷനുകൾ പുനഃസ്ഥാപിച്ചുതുടങ്ങി. പബ്ലിക് സർവീസസ് റെഗുലേഷൻ അതോറിറ്റി നിർദേശപ്രകാരമാണ് നടപടി.

ഒമാനിൽ ബിൽ അടച്ചില്ലെന്ന കാരണത്താൽ ആരുടെയും വൈദ്യുതി കണക്ഷനുകൾ വിഛേദിക്കരുതെന്ന് അതോരിറ്റി വെള്ളിയാഴ്ചയാണ് ഉത്തരവ് നൽകിയത്. വിഛേദിച്ച കണക്ഷനുകൾ പുനസ്ഥാപിക്കാനും അതോരിറ്റി അധികൃതർ വൈദ്യുതി വിതരണ കമ്പനികളോട് നിർദേശിച്ചിരുന്നു. പരാതികൾ ഉള്ളവർ വിതരണ കമ്പനികളുടെ അതത് ഗവർണറേറ്റുകളുടെ ഓഫീസിലോ അനുബന്ധ കാൾ സെൻററിലോ നൽകാൻ അതോറിറ്റി നിർദേശിച്ചു. ഉപഭോക്താക്കൾ ഇലക്ട്രിസിറ്റി കമ്പനികളുടെ കൈവശമുള്ള തങ്ങളുടെ വിവരങ്ങൾ പുതുക്കണമെന്ന് നമാ ഗ്രൂപ്പ് കഴിഞ്ഞ ദിവസം അറിയിച്ചിരുന്നു. ആഗസ്റ്റ് അവസാനത്തിനുള്ളിൽ വിവരങ്ങൾ പുതുക്കണമെന്നാണ് നമാഗ്രൂപ്പ് നിർദേശിച്ചിട്ടുള്ളത്.