ജിസാനിലും അസീറിലും കനത്ത മഴ തുടരും

റിയാദ്: സൗദി അറേബ്യയിലെ ജിസാൻ, അസീർ മേഖലകളിൽ ഇടിമിന്നലോടുകൂടിയ കനത്ത മഴ, ആലിപ്പഴവർഷം, പൊടിക്കാറ്റ് എന്നിവയ്ക്ക് സാധ്യതയുണ്ടെന്ന് ദേശീയ കാലാവസ്ഥാ കേന്ദ്രം മുന്നറിയിപ്പ് നൽകി. അൽബഹ, മക്ക മേഖലകളിൽ മിതമായ മഴയായിരിക്കും. ഈ പ്രദേശങ്ങളിലും കിഴക്കൻ പ്രവിശ്യയുടെ തെക്കൻ ഭാഗങ്ങളിലും മൂടൽമഞ്ഞിന് സാധ്യതയുണ്ടെന്നും കാലാവസ്ഥാ കേന്ദ്രം വ്യക്തമാക്കി.

ചെങ്കടലിൽ 45 കിലോമീറ്റർ വരെ വേഗതയിലും അഖബ ഉൾക്കടലിൽ 50 കിലോമീറ്റർ വേഗതയിലും കാറ്റിന് സാധ്യതയുണ്ടെന്നും കാലാവസ്ഥാ കേന്ദ്രം അറിയിച്ചു.