'സൗദി-യൂറോപ്യൻ യൂണിയൻ സഹകണം ശക്തിപ്പെടുത്തും'- വിദേശകാര്യ സഹമന്ത്രി

റിയാദ്: സൗദി - യൂറോപ്യൻ യൂണിയൻ സഹകണ മേഖല ശക്തിപ്പെടുത്തുമെന്ന് സൗദി വിദേശകാര്യ സഹമന്ത്രി ആദിൽ അൽ ജുബൈർ. യൂറോപ്യൻ പാർലമെന്റിൽ വൈസ് പ്രസിഡന്റ് പീന പീച്ചിയേനോ ഉൾപ്പെടെയുള്ള യൂറോപ്യൻ പാർലമെന്റ് ഉദ്യോ​ഗസ്ഥരുമായി നടത്തിയ കൂടിക്കാഴ്ചയുടെ ഫലമായാണ് പ്രഖ്യാപനം.

അറേബ്യൻ ഉപദ്വീപിലെ രാജ്യങ്ങളുമായുള്ള ബന്ധങ്ങൾ നിയന്ത്രിക്കുന്ന യൂറോപ്യൻ പാർലമെന്റ് പ്രതിനിധി സംഘത്തിന്റെ തലവൻ റെയ്നോൾഡ് ലോപട്കയുമായും അദ്ദേഹം ചർച്ച നടത്തി. സൗദിയും യൂറോപ്യൻ യൂണിയനും തമ്മിലുള്ള ചരിത്രപരമായ ബന്ധം, വിവിധ പ്രാദേശിക- അന്താരാഷ്ട്ര വിഷയങ്ങളിലുള്ള രാജ്യത്തിന്റെ നിലപാടുകൾ, പ്രാദേശിക - അന്താരാഷ്ട്ര സുരക്ഷ, സമാധാനം എന്നിവ പ്രോത്സാഹിപ്പിക്കുന്നതിനുള്ള ശ്രമങ്ങൾ, ഇരു കക്ഷികളുടെയും ഇടയിൽ നിലവിലുള്ള സഹകരണം മെച്ചപ്പെടുത്തുന്നതിനുള്ള മാർ​ഗങ്ങൾ എന്നിവ പ്രധാന ചർച്ചാ വിഷയങ്ങളായി. യൂറോപ്യൻ പാർലമെന്റിലെ മറ്റു ഉന്നത ഉദ്യോ​ഗസ്ഥരുമായും കൂടിക്കാഴ്ചകൾ നടന്നു.