സ്മാർട്​ ട്രാഫിക് ​നിയന്ത്രണം; ദുബൈ റോഡുകളിൽ യാത്രാവേഗം കൂടി

ദുബൈ: ദുബൈയിൽ നവീന ഡിജിറ്റൽ ട്രാഫിക്​നിയന്ത്രണ സംവിധാനം ഏർപ്പെടുത്തിയതോടെ റോഡ്​യാത്രാവേഗതയിൽ 20 ശതമാനം വർധന. ദുബൈ റോഡ്‌ ഗതാഗത അതോറിറ്റിയാണ്​ ഈ സംവിധാനം ഒരുക്കിയത്​. അടിയന്തിര ആവശ്യങ്ങൾക്ക്​പൊലീസും മറ്റു സന്നാഹങ്ങളും എത്തിച്ചേരുന്ന സമയവും ഇതോടെ കൂടുതൽ എളുപ്പമായി.

ആർ.ടി.എയുടെ ഇന്‍റലിജന്‍റ്​ട്രാഫിക് സിസ്റ്റംസ് എന്ന സംവിധാനമാണ്​ ദുബൈക്ക്​ തുണയായത്​. നിരീക്ഷണം 63ശതമാനംമെച്ചപ്പെടുത്താനും യാത്രാ സമയം കുറക്കാനും ഇതിലൂടെ സാധിച്ചു. ആർ.ടി.എ ഡയറക്ടർ ജനറൽമത്വാർ അൽ തായർ ആണ്​ ഇതു സംബന്​ധിച്ച കണക്കുകൾ പുറത്തുവിട്ടത്​. .

സ്മാർട്​സംവിധാനങ്ങൾ ഉപയോഗിച്ച്​റോഡ്​ഗതാഗതം നിരീക്ഷിക്കുന്നതാണ്​ഐ.ടി.എസ്​സംവിധാനം. ഇതി​െൻറ ആദ്യവിപുലീകരണം പൂർത്തിയായത്​ 2020നവംബറിൽ. റോഡ്​ശൃഖലയുടെ 60ശതമാനവും സ്മാർട്​സംവിധാനത്തിന്​ചുവടെയാണിപ്പോൾ. അടുത്ത ഏതാനും മാസങ്ങൾക്കുള്ളിൽ പദ്ധതിയുടെരണ്ടാം ഘട്ടത്തിന്​ആർ.ടി.എഒരുങ്ങുകയാണ്​. ഇതിലൂടെ എമിറേറ്റിലെ 710 കി.മീറ്റർ മുഴുവൻ പ്രധാന റോഡുകളും ഐ.ടി.എസിൽഉൾപ്പെടും.

ആർട്ടിഫിഷ്യൽഇന്‍റലിജൻസ്, ബിഗ് ഡാറ്റ, ഇന്‍റർനെറ്റ് ഓഫ് തിംങ്​സ്​, ആശയവിനിമയ സംവിധാനങ്ങൾ എന്നിവയുടെ ഏറ്റവും പുതിയ ആപ്ലിക്കേഷനുകളാണ്​ ആർ.ടി.എ പ്രയോജനപ്പെടുത്തുന്നത്​.ഡ്രൈവർമാർക്ക്​നിർദേശങ്ങൾ നൽകുന്നതിന്​ആദ്യഘട്ടത്തിൽ നിരവധി സംവിധാനങ്ങൾ ഒരുക്കിയിരുന്നു.​. ആദ്യ ഘട്ട പദ്ധതിയിൽ 116 ട്രാഫിക് ക്യാമറകൾ സ്ഥാപിച്ചു. ഇതിലൂടെ ട്രാഫിക് നിരീക്ഷണവും വിവര ശേഖരണവും വേഗത്തിലായി. ആകെ റോഡുകളി​ലെ നിരീക്ഷണ ​കാമറകളുടെഎണ്ണം 235ആയി വർധിച്ചു.