ഒരു മണിക്കൂർ മുമ്പ് അരലക്ഷത്തിൽ കൂടുതൽ ലീഡ്; ഒടുവിൽ തോൽവി: മുംബൈ നോർത്ത് സെൻട്രലില്‍ കോണ്‍ഗ്രസ് അട്ടിമറി

മുംബൈ: നോർത്ത് സെൻട്രൽ മണ്ഡലത്തിൽ ബിജെപി സ്ഥാനാർഥി ഉജ്ജ്വൽ നികമിനെ തറപ്പറ്റിച്ച് കോൺ​ഗ്രസിന്റെ വർഷ ഗെയ്ക്വാദ്. ഒരു മണിക്കൂർ മുമ്പ് 60,000 ത്തിൽ കൂടുതൽ ലീഡ് ഉണ്ടായിരുന്ന ഉജ്ജ്വലിനെ കീഴ്മേൽ മറിച്ചാണ് വർഷ മണ്ഡലത്തിൽ വിജയ കൊടി പാറിച്ചത്. നീണ്ട 15 വർഷങ്ങൾക്ക് ശേഷമാണ് കോൺ​ഗ്രസ് മുംബൈ നോർത്ത് സെൻട്രൽ മണ്ഡലത്തിൽ ​ഗംഭീര തിരിച്ചുവരവ് നടത്തുന്നത്.

വിവധ കേസുകളിൽ കഴിവ് തെളിയിച്ച ഉജ്ജ്വൽ എന്ന അഭിഭാഷകന്റെ ജനപ്രീതിയെ മുൻനിർത്തി സിറ്റിങ് എംപിയായ പൂനം മഹാജനെ മാറ്റിനിർത്തിയാണ് ബിജെപി അദ്ദേഹത്തിന് സീറ്റ് നൽകിയത്. എന്നാൽ രാജ്യത്തുടനീളം ബിജെപിക്ക് ഏറ്റ പ്രഹരം ഇവിടെയും സംഭവിക്കുകയായിരുന്നു.