"രാ​ജ്യ​ത്തെ വോ​ട്ട​ർ​മാ​രെ ബ​ഹു​മാ​നി​ക്ക​ണം" രാഹുലിന്റെ പ്രസംഗത്തിനെതിരെ കബില്‍ സിബലും

പ​തി​ന​ഞ്ചു വ​ർ​ഷം ഉ​ത്ത​രേ​ന്ത്യ​യി​ൽ എം​പി​യാ​യി​രു​ന്ന ത​നി​ക്ക് കേ​ര​ള​ത്തി​ലെ എം​പി​യാ​യ​തു പു​ത്ത​ൻ അ​നു​ഭ​വ​മാ​യെ​ന്ന കോ​ണ്‍​ഗ്ര​സ് നേ​താ​വ് രാ​ഹു​ൽ ഗാ​ന്ധി​യു​ടെ പ്ര​സ്താ​വ​ന‌ വി​വാ​ദത്തില്‍. ബി​.ജെ.പി, സി.പി.എം നേ​താ​ക്ക​ൾ​ക്ക് പി​ന്നാ​ലെ കോ​ൺ​ഗ്ര​സി​ലെ മു​തി​ർ​ന്ന നേ​താ​വ് ക​പി​ൽ സി​ബ​ലും രാ​ഹു​ലി​നെ​തി​രെ രം​ഗ​ത്തെ​ത്തി.

രാ​ഹു​ൽ ഗാ​ന്ധി പ​റ​ഞ്ഞ​തി​ൽ പ്ര​തി​ക​രി​ക്കാ​നി​ല്ല. അ​ദ്ദേ​ഹം ഏ​തു സ​ന്ദ​ർ​ഭ​ത്തി​ലാ​ണ് അ​ത്ത​ര​മൊ​രു പ്ര​സ്താ​വ​ന ന​ട​ത്തി​യ​തെ​ന്ന് അ​ദ്ദേ​ഹം ത​ന്നെ വി​ശ​ദീ​ക​രി​ക്കും. എ​ന്നാ​ൽ ന​മ്മ​ൾ രാ​ജ്യ​ത്തെ വോ​ട്ട​ർ​മാ​രെ ബ​ഹു​മാ​നി​ക്ക​ണം, അ​വ​രു​ടെ വി​വേ​ക​ത്തെ അ​പ​മാ​നി​ക്ക​രു​ത്. ആ​ർ​ക്കാ​ണ് വോ​ട്ട് ചെ​യ്യേ​ണ്ട​തെ​ന്നും എ​ന്തു​കൊ​ണ്ടാ​ണെ​ന്നും അ​വ​ർ​ക്ക് അ​റി​യാം സി​ബ​ൽ പ​റ​ഞ്ഞു.

എ​ന്നാ​ൽ കോ​ൺ​ഗ്ര​സ് വി​ഭ​ജി​ച്ച് ഭ​രി​ക്കാ​ൻ ശ്ര​മി​ക്കു​ക​യാ​ണെ​ന്ന ബി.​ജെ.​പി വി​മ​ർ​ശ​നം ചി​രി​ച്ചു​ത​ള്ളു​ന്ന​താ​യി ക​പി​ൽ സി​ബ​ൽ പ്രതികരിച്ചു. കേ​ര​ള​ത്തി​ലെ ജ​ന​ങ്ങ​ൾ അ​റി​വു​ള്ള​വ​രും പ്ര​ശ്ന​ങ്ങ​ളെ​ക്കു​റി​ച്ചു സം​സാ​രി​ക്കാ​ൻ താ​ത്പ​ര്യം ഉ​ള്ള​വ​രു​മാ​ണെ​ന്ന രാ​ഹു​ലി​ന്‍റെ പ​രാ​മ​ർ​ശ​ത്തി​ലൂ​ടെ ഉ​ത്ത​രേ​ന്ത്യ​ക്കാ​രെ രാ​ഹു​ൽ അ​പ​മാ​നി​ച്ചെ​ന്നു കു​റ്റ​പ്പെ​ടു​ത്തി ബി.​ജെ​.പി അ​ധ്യ​ക്ഷ​ൻ ജെ.​പി. ന​ഡ്ഡ​യും കേ​ന്ദ്ര​മ​ന്ത്രി സ്മൃ​തി ഇ​റാ​നി​യും അ​ട​ക്ക​മു​ള്ള​വ​ർ രം​ഗ​ത്തെ​ത്തിയിരുന്നു.