കാറിൽ കടത്താൻ ശ്രമിച്ചത് 100 കിലോ കഞ്ചാവ്; പിടിച്ചെടുത്ത് സ്‌ക്വാഡുകൾ

തൃശൂർ: കൊടകരയിൽ 100 കിലോ കഞ്ചാവ് പിടികൂടി. പെരുമ്പാവൂർ സ്വദേശി അജി, ആലത്തൂർ സ്വദേശി ശ്രീജിത്ത് എന്നിവരാണ് പിടിയിലായത്. കാറിൽ കടത്താൻ ശ്രമിക്കവേ ഡി.വൈ.എസ്.പിയുടെ നേതൃത്വത്തിലുള്ള സ്‌ക്വാഡും ലഹരിവിരുദ്ധ സംഘവുമാണ് ലഹരിവസ്തു പിടികൂടിയത്.

വിൽപ്പനക്കായാണ് കഞ്ചാവ് എത്തിച്ചതെന്ന് പൊലീസ് പറഞ്ഞു. ഒറീസയിൽ നിന്ന് പെരുമ്പാവൂരിലേക്ക് കടത്തുന്നതിനിടയിലാണ് രണ്ട് പേരും പൊലീസ് പിടിയിലാകുന്നത്. രഹസ്യ വിവരത്തിന്റെ അടിസ്ഥാനത്തിലാണ് പൊലീസ് പരിശോധന നടത്തിയത്.