ഡൽഹി: തെരുവ്നായകളെ നിയന്ത്രിക്കണമെന്ന ഹരജി സുപ്രിംകോടതി ഇന്ന് പരിഗണിക്കും. ആക്രമണകാരികളായ തെരുവ്നായകളെയും പേപ്പട്ടികളെയും കൊല്ലാൻ അനുമതി തേടിയുള്ള കേരളത്തിന്റെ അപേക്ഷയും ഹരജിയോടൊപ്പം പരിഗണിക്കുന്നുണ്ട്. ഹരജിയിൽ ഇടക്കാല ഉത്തരവിനും സാധ്യതയുണ്ട്. കേരളത്തിൽ നൂറ്കണക്കിന് ആളുകൾക്ക് ദിവസേന നായകളുടെ കടി ഏൽക്കുകയും മരണം സംഭവിക്കുകയും ചെയ്യുന്നതിനാൽ ശക്തമായ ഇടപെടൽ ഉണ്ടാകണമെന്ന് ഹരജിക്കാർ കേസ് പരിഗണിച്ചപ്പോൾ ആവശ്യപ്പെട്ടിരുന്നു.
തെരുവ് നായകളുടെ എണ്ണം നിയന്ത്രണാതീതമായതോടെ കൊല്ലാനുള്ള അനുമതി തേടി തദ്ദേശ സ്വയംഭരണ സ്ഥാപനങ്ങളും സുപ്രിംകോടതിയിൽ എത്തിയിട്ടുണ്ട്. കോഴിക്കോട് നഗരസഭയും കണ്ണൂർ ജില്ലാ പഞ്ചായത്തുമാണ് സുപ്രിംംകോടതിയിൽ പ്രത്യേക അപേക്ഷ നൽകിയിരിക്കുന്നത്.എബിസി പദ്ധതി നടപ്പാക്കാന് കുടുംബശ്രീ യൂണിറ്റുകള്ക്ക് അനുമതി നല്കണമെന്നും സര്ക്കാര് ആവശ്യപ്പെട്ടിട്ടുണ്ട്. ഹൈക്കോടതിയുടെ ഇടക്കാല ഉത്തരവിനെ തുടര്ന്ന് എബിസി പദ്ധതിയില് നിന്ന് കുടുംബശ്രീ യൂണിറ്റുകളെ മാറ്റിനിര്ത്തിയിരുന്നു. മൃഗക്ഷേമ ബോര്ഡിന്റെ സര്ട്ടിഫിക്കേറ്റ് ഇല്ലാത്തതായിരുന്നു കാരണം. ഇതോടെ 8 ജില്ലകളില് എബിസി പദ്ധതി ഏതാണ്ട് പൂര്ണ്ണമായും തടസപ്പെട്ടെന്ന് സര്ക്കാര് അറിയിച്ചിട്ടുണ്ട്.