എന്നിട്ട് എല്ലാം ശരിയായോ?; സർക്കാരിനെ വിമർശിച്ചുകൊണ്ട് തിരുവനന്തപുരം ന​ഗരത്തിൽ അജ്ഞാത പോസ്റ്ററുകൾ

തിരുവനന്തപുരം: ലഹരി വിരുദ്ധ ദിനത്തിൽ സർക്കാരിനെ വിമർശിച്ചുകൊണ്ട് തിരുവനന്തപുരം ന​ഗരത്തിൽ അജ്ഞാത  പോസ്റ്ററുകൾ. "എന്നിട്ട് എല്ലാം ശരിയായോ? " എന്ന ചോദ്യമുയർത്തിക്കൊണ്ടുള്ള പോസ്റ്ററുകളാണ് നഗരത്തിന്റെ പലയിടത്തും ഉള്ളത്. ‘വീട് നന്നാക്കി’, ‘നാട് ലഹരിയിൽ മുക്കി’, ‘സംസ്ഥാനം തകർത്തു" "സ്വന്തം വീട് ഭംഗിയാക്കി" തുടങ്ങിയ സന്ദേശങ്ങളാണ് പോസ്റ്ററുകളിലുള്ളത്.

ലോക ലഹരി വിരു​​ദ്ധ ദിനത്തിൻ്റെ ഭാ​ഗമായി സർക്കാർ വിവിധ പരിപാടികൾ നിശ്ചയിച്ചിരിക്കിരുന്ന ദിവസം തന്നെയാണ് രാഷ്ട്രിയ ചോദ്യങ്ങളുയർത്തുന്ന പോസ്റ്ററുകൾ പ്രത്യക്ഷപ്പെട്ടത്. പിണറായി വിജയന്റെ  ചിത്രമടക്കം ചേർത്താണ് പോസ്റ്ററുകൾ തയാറാക്കിയിരിക്കുന്നത്.  ഏതെങ്കിലും സംഘടനയുടെ പേര് പോസ്റ്ററുകളിൽ ഇല്ല.