Writer - അൻഫസ് കൊണ്ടോട്ടി
anfas123
കാസര്കോട് ശബരിമല തീര്ത്ഥാടകര് സഞ്ചരിച്ച ബസ് മറിഞ്ഞുണ്ടായ അപകടത്തിൽ ഒരു മരണം, നിരവധി തീര്ത്ഥാടകര്ക്ക് പരിക്ക്
മലയോര ഹൈവേയിലെ കാറ്റാംകവലയിലാണ് അപകടമുണ്ടായത്
Update: 2025-11-29 12:11 GMT
കാസര്കോട്: കാസര്കോട് ശബരിമല തീര്ത്ഥാടകര് സഞ്ചരിച്ച ബസ് കുഴിയിലേക്ക് മറിഞ്ഞുണ്ടായ അപകടത്തിൽ ഒരാൾ മരിച്ചു. നിരവധി പേർക്ക് പരിക്ക്. മലയോര ഹൈവേയിലെ കാറ്റാംകവലയിലാണ് അപകടം. കര്ണാടക സ്വദേശികള് സഞ്ചരിച്ച ബസ് കാറ്റാംകവലയിലെത്തിയപ്പോഴാള് നിയന്ത്രണം വിട്ട് കുഴിയിലേക്ക് മറിയുകയായിരുന്നു.
കാറ്റാംകവലയിലെ വളവിലെത്തിയതോടെ ബസ് പൂര്ണമായും നിയന്ത്രണം വിട്ട് കുഴിയിലേക്ക് മറിയുകയായിരുന്നു. അപകടത്തില് പരിക്കേറ്റ 48 പേരെ സമീപത്തുള്ള സ്വകാര്യ ആശുപത്രിയില് പ്രവേശിപ്പിച്ചിട്ടുണ്ട്. അഞ്ച് പേരുടെ നില അതീവഗുരുതരം.