'പച്ചമീന് കഴിച്ച് പൂച്ചകള് ചാവുന്നു, മീന് കറി കഴിച്ചവര്ക്ക് വയറുവേദന'; കര്ശന നടപടിയെന്ന് മന്ത്രി
മന്ത്രിയുടെ നിര്ദേശത്തെ തുടര്ന്ന് ഭക്ഷ്യ സുരക്ഷാ വകുപ്പ് ഇന്നുതന്നെ പ്രദേശത്ത് പരിശോധന നടത്തി സാമ്പിള് ശേഖരിക്കും
Update: 2022-04-16 08:37 GMT
തിരുവനന്തപുരം: ഇടുക്കി നെടുങ്കണ്ടം തൂക്കുപാലത്ത് മീന് കറി കഴിച്ചവര്ക്ക് വയറുവേദനയും പച്ചമീന് കഴിച്ച് പൂച്ചകള് ചത്തെന്നുമുള്ള പരാതിയില് കര്ശന നടപടിയെടുക്കാന് ആരോഗ്യ വകുപ്പ് മന്ത്രി വീണാ ജോര്ജിന്റെ നിര്ദേശം. സംഭവത്തില് അന്വേഷണം നടത്തി കര്ശന നടപടി സ്വീകരിക്കണമെന്നാണ് ഭക്ഷ്യ സുരക്ഷാ കമ്മീഷണര്ക്ക് മന്ത്രിയുടെ നിര്ദേശം.
മന്ത്രിയുടെ നിര്ദേശത്തെ തുടര്ന്ന് ഭക്ഷ്യ സുരക്ഷാ വകുപ്പ് ഇന്നുതന്നെ പ്രദേശത്ത് പരിശോധന നടത്തി സാമ്പിള് ശേഖരിക്കും. മീന് കേടാകാതിരിക്കാന് എന്തെങ്കിലും മായം ചേര്ത്തിട്ടുണ്ടെങ്കില് കര്ശന നടപടി സ്വീകരിക്കുന്നതാണെന്നും മന്ത്രി വ്യക്തമാക്കി.