തിരുവനന്തപുരം: മുഖ്യമന്ത്രി പിണറായി വിജയൻ ഇന്നലെ വരെയുള്ള കാര്യങ്ങൾ മറന്നുപോയെന്ന് പ്രതിപക്ഷനേതാവ് വി.ഡി സതീശൻ. മുഖ്യമന്ത്രി ഡിമൻഷ്യാ ബാധിച്ചത് പോലെയാണ് പെരുമാറുന്നത്. പിണറായി വിജയനടക്കമുള്ളവർ സഭയിൽ പെരുമാറിയത് പോലെ ഞങ്ങൾ സഭയിൽ പെരുമാറില്ല. ഇന്ന് മുഖ്യമന്ത്രി നടത്തിയ വാർത്താസമ്മേളത്തിന്റെ 90 ശതമാനവും മൻ കീ ബാത്ത് ആയിരുന്നെന്നും പ്രതിപക്ഷനേതാവ് കുറ്റപ്പെടുത്തി.
വയനാട്ടില് രാഹുല് ഗാന്ധിയുടെ ഓഫീസിലെ ഗാന്ധി ചിത്രം തകർത്തത് കോൺഗ്രസുകാരെന്ന് മുഖ്യമന്ത്രി പറഞ്ഞത് എന്ത് അടിസ്ഥാനത്തിലാണ്. എസ്.എഫ്.ഐ ക്കാർ പറഞ്ഞതാണോ ഇതെന്നും വി.ഡി സതീശൻ ചോദിച്ചു. അന്വേഷണം നടക്കുന്ന വിഷയത്തിൽ ആഭ്യന്തര മന്ത്രി പറയുന്നത് നിയമ വിരുദ്ധമാണെന്നും സതീശൻ കുറ്റപ്പെടുത്തി.കെ.പി.സി.സി ഓഫീസിൽ സി.പി.എം അക്രമിച്ചു. തന്റെ വസതിയിലേക്ക് അതിക്രമിച്ചു കയറുകയും ചെയ്തു.
പിണറായിൽ നിന്ന് നിയമസഭ പഠിപ്പിക്കാൻ ആഗ്രഹിക്കുന്നില്ല. നിയമസഭ അടിച്ചുതകർത്തവരാണ് ഇവരെന്നും അദ്ദേഹം പറഞ്ഞു.