ബിജെപിയുടെ വളർച്ച കണക്ക്കൂട്ടലിന് അപ്പുറമെന്ന് സിപിഐ

ആലപ്പുഴ: ബിജെപിയുടെ വളർച്ച കണക്ക്കൂട്ടലിന് അപ്പുറമെന്ന് സിപിഐയുടെ കരട് രാഷ്ട്രീയ പ്രമേയം. അധികാരം ഉപയോഗിച്ച് സമഗ്രമേഖലയിലും ബിജെപി കടന്നു കയറിയെന്നും സംസ്ഥാന സമ്മേളനത്തിൽ അവതരിപ്പിച്ച കരട് രാഷ്ട്രീയ പ്രമേയത്തിൽ വിശദീകരിക്കുന്നു.ബിജെപിക്കെതിരെ വേണ്ടത് വിശാല ഇടതുപക്ഷ ഐക്യമാണ്. ഐക്യം തന്ത്രപരമായ അനിവാര്യതയാണ്. തെരഞ്ഞെടുപ്പുകളെ സീസണലായി കാണരുത്. പ്രതീകാത്മക സ്ഥാനാർത്ഥിത്വങ്ങൾ ഒഴിവാക്കണം തദ്ദേശ തെരഞ്ഞെടുപ്പിനെ ജനങ്ങളിലേക്ക് ആഴത്തിൽ ഇറങാനുള്ള അവസരം ആക്കണം. നേതൃതലത്തിൽ പുതു തലമുറ വികസിക്കണമെന്നും റിപ്പോർട്ടിൽ പറയുന്നു.

ഇടതുപക്ഷ സഖ്യത്തിനുള്ളിലെ വിള്ളൽ നേപ്പാളിൽ രാഷ്ട്രീയ അസ്ഥിരതക്ക് സാക്ഷ്യം വഹിക്കുന്നുവെന്നും പ്രമേയത്തിൽ വിശദീകരിക്കുന്നു. ഇടതുപക്ഷ സഖ്യത്തിനുള്ളിൽ പ്രത്യേകിച്ച് സിപിഎൻ-യുഎംഎല്ലിനും സിപിഎൻ മാവോയിസ്റ്റ് സെന്റർ നും ഇടയിലുള്ള വിള്ളൽ ആഴത്തിലാകുന്നതിലൂടെ ഫലപ്രദമായി ഭരിക്കാനുള്ള സഖ്യത്തിന്റെ കഴിവിനെ ദുർബലപ്പെടുത്തുന്നതിലൂടെ നേപ്പാൾ വളർന്നുവരുന്ന രാഷ്ട്രീയ അസ്ഥിരതക്ക് സാക്ഷ്യം വഹിക്കുന്നു.

അതേസമയം, രാഷ്ട്രീയ അഴിമതിയിലും ഭരണപരാജയങ്ങളിലും പൊതുജനങ്ങൾക്കുള്ള നിരാശയെ ഇന്ധനമായി രാജവാഴ്ചയെ അനുകൂലിക്കുന്ന പ്രകടനങ്ങൾ വീണ്ടും ഉയർന്നുവന്നിട്ടുണ്ട്. ‘ഹിന്ദു രാഷ്ട്രം’, ‘ഭരണഘടനാ രാജവാഴ്ച’ എന്നീ ആവശ്യങ്ങൾ ദിനം പ്രതി വർദ്ധിച്ചുവരികയാണ്. ഈ ശക്തിക​ളെ പരാജ​യപ്പെടുത്താൻ എല്ലാ ഇടതുപക്ഷ, ജനാധിപത്യ പാർട്ടികളുടെയും ഏകീകൃത ശ്രമവും ദൃഢനിശ്ചയവും സാഹചര്യവും ആവശ്യപ്പെടുന്നുവെന്നും പ്രമേയത്തിൽ വിശദീകരിക്കുന്നു.