ഭേശാഭിമാനി പ്രാദേശിക ലേഖകനെ സി.പി.എം ബ്രാഞ്ച് സെക്രട്ടറിയുടെ നേതൃത്വത്തില്‍ മര്‍ദിച്ചതായി പരാതി

മലപ്പുറം: ദേശാഭിമാനി മഞ്ചേരി ബ്യൂറോയിലെ പ്രാദേശിക ലേഖകൻ ടി.പി സുരേഷിനെ സി.പി.എം ബ്രാഞ്ച് സെക്രട്ടറിയുടെ നേതൃത്വത്തില്‍ ഓഫീസില്‍ കയറി മര്‍ദിച്ചതായി പരാതി . മഞ്ചേരി കോവിലകംകുണ്ട് ബ്രാഞ്ച് സെക്രട്ടറി വിനയനാണ് മറ്റു രണ്ടുപേര്‍ക്കൊപ്പം ദേശാഭിമാനി ഓഫീസിൽ എത്തി അതിക്രമം കാണിച്ചതെന്നാണ് പരാതി .

ദേശാഭിമാനിയിൽ വാർത്ത നൽകുന്നതുമായി ബന്ധപ്പെട്ട തർക്കമാണ് അക്രമത്തിൽ കലാശിച്ചതെന്നാണ് സുരേഷ് ഇ-മെയിൽ വഴി മഞ്ചേരി പൊലീസിൽ നൽകിയ പരാതിയിൽ പറയുന്നത് .ഓഫീസിലെ കമ്പ്യൂട്ടർ അടക്കമുള്ളവ അക്രമി സംഘം തട്ടി താഴെയിട്ടെന്നും സുരേഷ് പൊലീസിൽ നൽകിയ പരാതിയിൽ പറയുന്നു .