മലപ്പുറം കരുവാരക്കുണ്ട് ദാറുന്നജാത്ത് ഒ.യു.പി. സ്കൂൾ സംഘടിപ്പിച്ച സ്വാതന്ത്ര്യദിനാഘോഷ പരിപാടിയിൽ ഉദ്ഘാടകനായി രാഹുൽ ഗാന്ധി എം.പി. ആശംസകളുമായി സോണിയ ഗാന്ധിയും.
ഇന്ത്യക്ക് മഹത്തായ പൈതൃകമുണ്ടെന്നും ഇന്ത്യയുടെ പാരമ്പര്യവും മഹത്വവും വിദ്യാർഥികൾ മനസിലാക്കണമെന്നും സ്വാതന്ത്ര്യത്തിനുവേണ്ടി ജാതി-മത-ഭാഷ വ്യത്യാസമില്ലാതെ പടപൊരുതിയ ഇന്ത്യക്കാരുടെയും ധീര രക്തസാക്ഷികളുടെയും ചരിത്രം വിദ്യാർത്ഥികൾ മനസിലാക്കണമെന്നും ഉദ്ഘാടന പ്രസംഗത്തിൽ രാഹുൽ ഗാന്ധി പറഞ്ഞു.
അപ്രതീക്ഷിതമായാണ് സോണിയാഗാന്ധിയും വിദ്യാർഥികൾക്ക് ആശംസകളുമായെത്തിയത്. നന്നായി പഠിച്ച് രാജ്യ പുരോഗതിക്കായി പ്രയത്നിക്കണമെന്ന് സോണിയ ഗാന്ധി പറഞ്ഞു.